Politike

Siria njeh pavarësinë e Kosovës/ Vjosa Osmani: Mirënjohje për vendimin, dy popujt kanë vuajtur e sakrifikuar shumë për lirinë

Presidentja u shpreh se njohja u bë e mundur me mbështetjen e Princit të Kurorës së Arabisë Saudite, Muhammed bin Salman Al Saud. Osmani tha gjithashtu se kjo njohje është më shumë se një akt formal diplomatik, duke e quajtur njohje të sakrificës së shumë brezave për liri.

29 Tetor 2025, 17:14 Nga E. D
Siria njeh pavarësinë e Kosovës/ Vjosa Osmani: Mirënjohje
pamje nga takimi

RIAD- Presidentja e Kosovës, Vjosa Osmani, ka njoftuar se Republika Arabe e Sirisë ka njohur pavarësinë e Kosovës. Lajmin e ka konfirmuar vetë Osmani përmes një postimi në rrjete sociale, ku njoftoi se marrëveshja është arritur sot në Riad.

Presidentja u shpreh se njohja u bë e mundur me mbështetjen e Princit të Kurorës së Arabisë Saudite, Muhammed bin Salman Al Saud. Osmani tha gjithashtu se kjo njohje është më shumë se një akt formal diplomatik, duke e quajtur njohje të sakrificës së shumë brezave për liri.

“Sot në Riad arritëm marrëveshjen nëpërmjet së cilës Republika Arabe e Sirisë njeh Republikën e Kosovës. Falënderoj Presidentin Al Sharaa për vendimin për njohje të Kosovës si dhe për mbështetjen e tij për popullin tonë. Populli i Kosovës dhe ai i Sirisë kanë vuajtur e sakrifikuar shumë për ta arritur lirinë. Prandaj kjo njohje e ndërsjellë sot nuk është vetëm e sovranitetit shtetëror, por edhe njohje e sakrificës së shumë brezave për të jetuar të lirë,” theksoi Vjosa Osmani./Dosja.al

kosove siri vjosa osmani

Sondazh

Poll

MË SHUMË