Politike

Komiteti i Stabilizim Asocimit/ Bardhi: Narrativa e PD, e njëjtë me presidentin Trump dhe kundër Soros

Në të njëjtën linjë ishte edhe Jorida Tabaku, e cila theksoi se PD është promotore e integrimit dhe se kjo rrugë kalon vetëm nëpërmjet përmbushjes reale të reformave, gjë të cilën kjo qeveri nuk e garanton.

29 Tetor 2025, 15:25 Nga E. D
Komiteti i Stabilizim Asocimit/ Bardhi: Narrativa e PD, e njëjtë me
Gazment Bardhi

TIRANË- Kryetari i Grupit Parlamentar të Partisë Demokratike, Gazment Bardhi, dhe deputetja Jorida Tabaku, në Komitetin e Stabilizim-Asociimit BE–Shqipëri, përsëritën qëndrimin se Partia Demokratike mbetet e palëkundur në mbështetjen e procesit të integrimit si aspiratë e shqiptarëve. Bardhi theksoi se PD ka vlera konkrete në këtë drejtim dhe jo propagandë boshe.

"Ne kemi qenë dhe mbetemi mbështetës të kësaj rruge. Por këtë nuk e bëjmë me propagandë, por me punë konkrete. Ne nuk e njohim qeverinë e dalë nga zgjedhjet e fundit, por jemi në Parlament pikërisht për të punuar dhe për të mbështetur aspiratën e qytetarëve shqiptarë.

BE dhe SHBA mbeten aleatët tanë strategjikë, dhe PD nuk bën ironi me Presidentin amerikan, por mbështet politikat e tij, ndryshe nga Kryeministri dhe mazhoranca. Narrativa e PD e njejte me presidentin Trump dhe kunder SOROS ndihmon rrugen europiane te shqiperise. PD nuk është si Partia Socialiste, e cila, kur ne punonim për vizat, protestonte kundër nesh në bulevard," tha Bardhi. 

Në të njëjtën linjë ishte edhe Jorida Tabaku, e cila theksoi se PD është promotore e integrimit dhe se kjo rrugë kalon vetëm nëpërmjet përmbushjes reale të reformave, gjë të cilën kjo qeveri nuk e garanton. Komiteti i Stabilizim-Asociimit u mbyll me një deklaratë, për të cilën delegacioni i Partisë Demokratike nuk dha konsensus./Dosja.al

gazment bardhi

Sondazh

Poll

MË SHUMË