Politike

Mbledhja e Komisionit të Ligjeve/ Debate mes Ndojës dhe Komisioneres për Mbikëqyrjen e Shërbimit Civil: Ne shqyrtojmë vetëm largimet në kundërshtim me ligjin që…

Gjatë mbledhjes në Komisionit të Ligjeve, Ndoja pyeti Starkoshën lidhur me urdhrin e kryeministrit Rama ndaj Bashkive, duke ju referuar rasteve  të punonjësve me statusin e nëpunësit civil.

20 Tetor 2025, 13:08 Nga E.d
Mbledhja e Komisionit të Ligjeve/ Debate mes Ndojës dhe Komisioneres
Pranvera Strakosha

TIRANË- Arjon Ndoja, deputet i Partisë Demokratike i ka drejtuar disa pyetje Komisioneres për Mbikëqyrjen e Shërbimit Civil, Pranvera Strakosha. Gjatë mbledhjes në Komisionit të Ligjeve, Ndoja pyeti Starkoshën lidhur me urdhrin e kryeministrit Rama ndaj Bashkive, duke ju referuar rasteve  të punonjësve me statusin e nëpunësit civil.

Deputeti i PD-së pyerti gjithashtu nëse kjo është ndërhyrje e drejtë dhe se a e pengon mbarëvajtjen e punës. Në lidhje me këto pyetje Strakosha iu përgjigj se dorëheqjet janë në vullnetin dhe të drejtën e tyre. Strakosha tha ata shqyrtojnë vetëm largimet në kundërshtim me ligjin dhe jo largim nga puna, që lidhen me largimet e me statusin.

Pjesë nga diskutimi

Ndoja: Lidhur me urdhrin e kryeministrit ndaj Bashkive, referuar rasteve të punonjësve me statusin e nëpunësit civil. A është ndërhyrje e drejtë të organet e qeverisjes vendore dhe a pengon mbarëvajtjen e punëve atje? Sa është fatura financiare në buxhet që ndikon, për shkarkimet nga puna dhe gjyqet e fituara nga të larguarit?

Strakosha: Përsa i përket pyetjes për urdhrin e dorëheqjeve, kjo është në vullnetin e tyre, e jep apo nuk e jep, është e drejta e tyre. Ne shqyrtojmë largimet në kundërshtim me ligjin, që ankohen për largim nga puna, që lidhen me largimet e me statusin. Ne nuk jemi gjykatë, jemi indirekt, marrim njoftimin dhe shqyrtojmë procedurën, sepse është gjykata nëse çështja është atje. Ne bëjmë vetëm shqyrtimin apo zgjidhjen pa shkuar në gjykatë. KLGJ, ILD dhe KLP ne i inspektojmë rregullisht, por të tjerat jo. Ne nuk kemi lidhje se çfarë bëjnë ata në gjykata, por me statusin e tyre. Nuk jemi në gjendje të japim një faturë të përgjithshme sepse kjo bëhet në bashkëpunim me KLSH-në, institucionet që inspektojnë./Dosja.al

pranvera strakosha arjon ndoja edi rama

Sondazh

Poll