Bota

Marrëveshja e Paqes/ Zelensky: Armëpushimi në Gaza jep shpresë për paqe në Ukrainë

President i Amerikës, Donald Trump aspiron gjithashtu të luajë një rol ndërmjetësues me Moskën.

13 Tetor 2025, 17:58 Nga E.d
Marrëveshja e Paqes/ Zelensky: Armëpushimi në Gaza jep
Volodymyr Zelensky

UKRAINË- Presidenti ukrainas, Volodymyr Zelensky ka thënë se armëpushimi i ndërmjetësuar nga Donald Trump në Gaza do të jepte shpresë shtesë për paqe në Ukrainë. President i Amerikës, Donald Trump aspiron gjithashtu të luajë një rol ndërmjetësues me Moskën.

"Kur paqja arrihet në një pjesë të botës, kjo sjell shpresë më të madhe për paqe në rajone të tjera. Udhëheqja dhe vendosmëria e bashkësisë ndërkombëtare me siguri mund të funksionojnë në favorin tonë, edhe në Ukrainë”, tha Zelensky në një postim në Facebook.

Mediat e huaja raportuan se kancelari gjerman Friedrich Merz tha se do ta ngrinte çështjen e konfliktit ukrainas me presidentin amerikan, për të parë se çfarë mund të bëjmë së bashku për t’i dhënë fund luftës.

“Ne mbështetemi në mbështetjen dhe ndihmën e vazhdueshme të SHBA-së. Siç e keni treguar në këtë rajon duhet ta tregoni këtë edhe me ne në Ukrainë dhe kundër Rusisë”, u tha Merz gazetarëve./Dosja.al

ukrainë gaza armëpushim

Sondazh

Poll

MË SHUMË