Politike

Spiropali mirëpret Drejtoren e Ballkanit Perëndimor pranë KE: Plani i ri i Rritjes, mjet i integrimit dhe fuqizimit rajonal

Gjatë takimit, palët diskutuan mbi partneritetin e ngushtë mes Shqipërisë dhe Bashkimit Evropian, si dhe mbi hapat e mëtejshëm në procesin e integrimit europian të vendit.

13 Tetor 2025, 11:11 Nga M.L
Spiropali mirëpret Drejtoren e Ballkanit Perëndimor pranë KE:
Foto ilustruese

TIRANA-  Ministrja për Evropën dhe Punët e Jashtme, Elisa Spiropali, ka pritur sot në Tiranë Drejtoren për Ballkanin Perëndimor në Drejtorialen e Përgjithshme për Zgjerimin dhe Fqinjësinë Lindore pranë Komisionit Evropian, Valentina Superti. Gjatë takimit, palët diskutuan mbi partneritetin e ngushtë mes Shqipërisë dhe Bashkimit Evropian, si dhe mbi hapat e mëtejshëm në procesin e integrimit europian të vendit.

Në qendër të bisedimeve ishte përkushtimi i palëkundur i Shqipërisë ndaj reformave dhe rrugëtimit drejt BE-së, si dhe mbështetja e Komisionit Evropian për ecurinë pozitive të vendit në këtë proces.

POSTIMI I PLOTË:

Mëngjesin e sotëm mirëprita Drejtoren për Ballkanin Perëndimor në Drejtorinë e Përgjithshme për Zgjerimin dhe Fqinjësinë Lindore pranë Komisionit Evropian, Valentina Superti, e cila ndodhet në Tiranë për Forumin e Investimeve BE – Ballkani Perëndimor që mbahet për herë të parë në Shqipëri.

Vijojmë intensivisht përmbushjen e detyrimeve për çeljen e kapitujve të fundit, negociatat për mbylljen e kapitujve të hapur, mbërritjen e standardeve për përfitimin e mbështetjes financiare të BE-së përmes Planit të ri të Rritjes, si mjet i integrimit dhe fuqizimit rajonal./ Dosja.al

elisa spiropali valentina superti

Sondazh

Poll

MË SHUMË