Politike

Zbulohet shënimi që la Rama në librin e ngushëllimeve për gjyqtarin Astrit Kalaja: Tragjedi e madhe dhe për vetë shtetin

Në shënim, Rama është shprehur se kjo është një tragjedi e madhe për familjen dhe për vetë shtetin.

8 Tetor 2025, 12:09 Nga I.A
Zbulohet shënimi që la Rama në librin e ngushëllimeve
Edi Rama

TIRANË- Shënimi që kryeministri Edi Rama ka lënë në librin e ngushëllimeve për gjyqtarin e ndjerë Astrit Kalaja, është publikuar. Në shënim, Rama është shprehur se kjo është një tragjedi e madhe për familjen dhe për vetë shtetin. 

“Një tragjedi e madhe për familjen, të afërmit, kolegët dhe vetë shtetin, u prehtë në paqe dhe të rroni e ta kujtoni gjithnjë” shkroi Rama në librin e ngushëllimeve.

Si ndodhi ngjarja e rëndë ?

Ngjarja ndodhi pas përfundimit të një seance gjyqësore për një çështje pronësie në Shkodër, e cila ishte në shqyrtim në Apelin e Tiranës. Mësohet se gjyqtari Astrit Kalaja kishte dhënë vendimin kundër palës së përfaqësuar nga Elvis dhe Gjon Shkambi. Menjëherë pas shpalljes së vendimit, Elvis Shkambi ka nxjerrë armën dhe ka qëlluar tre herë në drejtim të gjyqtarit, duke e goditur në gjoks dhe lënë të vdekur në vend. Gjatë të njëjtës ngjarje, janë plagosur edhe babë e bir, Rakip dhe Ervis Kurtaj, pala tjetër në proces, të cilët ndodhen aktualisht në Spitalin e Traumës dhe janë jashtë rrezikut për jetën./Dosja.al

gjon shkambi astrit kalaja

Sondazh

Poll

MË SHUMË