Politike

Grupi i PD homazhe në nder të gjyqtarit të vrarë: Astrit Kalaja të shpallet 'Dëshmor i Atdheut'

Vrasja e gjyqtarit Kalaja është diskutuar sot edhe në Konferencën e Kryetarëve, ku kreu i grupit parlamentar të Partisë Demokratike, Gazment Bardhi, i ka kërkuar maxhorancës të nisë procedurat për shpalljen e tij “Dëshmor i Atdheut”.

8 Tetor 2025, 11:15 Nga I.A
Grupi i PD homazhe në nder të gjyqtarit të vrarë: Astrit
Grupi demokrat

TIRANË- Grupi parlamentar i Partisë Demokratike ka marrw pjesw sot nw homazhet në nderim të gjyqtarit Astrit Kalaja. Vrasja e gjyqtarit Kalaja është diskutuar sot edhe në Konferencën e Kryetarëve, ku kreu i grupit parlamentar të Partisë Demokratike, Gazment Bardhi, i ka kërkuar maxhorancës të nisë procedurat për shpalljen e tij “Dëshmor i Atdheut”.

Si ndodhi ngjarja e rëndë ?

Ngjarja ndodhi pas përfundimit të një seance gjyqësore për një çështje pronësie në Shkodër, e cila ishte në shqyrtim në Apelin e Tiranës. Mësohet se gjyqtari Astrit Kalaja kishte dhënë vendimin kundër palës së përfaqësuar nga Elvis dhe Gjon Shkambi. Menjëherë pas shpalljes së vendimit, Elvis Shkambi ka nxjerrë armën dhe ka qëlluar tre herë në drejtim të gjyqtarit, duke e goditur në gjoks dhe lënë të vdekur në vend. Gjatë të njëjtës ngjarje, janë plagosur edhe babë e bir, Rakip dhe Ervis Kurtaj, pala tjetër në proces, të cilët ndodhen aktualisht në Spitalin e Traumës dhe janë jashtë rrezikut për jetën./Dosja.al

astrit kalaja

Sondazh

Poll

MË SHUMË