Aktualitet

Kërcënoi gjyqtarët, policia pas arrestimit të xhaxhait të Elvis Shkambit: Akuzohet për kanosje

Policia ka reaguar për arrestimit, duke theksuar se është bërë në flagrancë pas kërcënimeve të Shkambit në media.

7 Tetor 2025, 14:34 Nga I.A
Kërcënoi gjyqtarët, policia pas arrestimit të xhaxhait
Gjovalin Shkambi

SHKODËR- Xhaxhai i Elvis Shkambit, Gjovalin Shkambi është arrestuar ditën e sotme pas kërcënimeve ndaj gjyqtarëve. Policia ka reaguar për arrestimit, duke theksuar se është bërë në flagrancë pas kërcënimeve të Shkambit në media. Ndaj tij rëndojnë akuzat mbi veprat penale "Kanosja e gjyqtarit” dhe “Kanosja për kryerjen e veprave me qëllime terroriste.”

Njoftimi i Policisë:

Dha deklarata kanosëse, në media, kundrejt përfaqësuesve të sistemit gjyqësor, vihet në pranga 49-vjeçari. Menjëherë pas deklaratave kanosëse të bëra në media nga shtetasi Gj. Sh., 49 vjeç, Sektori i Krimeve të Rënda, në bashkëpunim me shërbimet e Njësisë Rajonale të Antiterrorit Shkodër dhe me mbështetjen e shërbimeve të Forcës së Posaçme “Shqiponja” të DVP Shkodër, kapën dhe shoqëruan në Komisariat 49 vjeçarin. Në vijim të veprimeve procedurale, të drejtuara nga Prokuroria e Shkodrës, u bë arrestimi në flagrancë i shtetasit Gj. Sh., 49 vjeç, banues në Shkodër. Materialet procedurale do t’i referohen Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme, për veprat penale “Kanosja e gjyqtarit” dhe “Kanosja për kryerjen e veprave me qëllime terroriste.”

elvis shkambi gjovalin shkambi

Sondazh

Poll

MË SHUMË