Politike

“Si ka mundësi që nuk të pyeti?”, Rama fton në podcast Manastirliun: Ti do jesh kryetarja e re e Bashkisë së Tiranës

Në videon promovuese të publikuar, Rama shfaqet në bisedë me Ogerta Manastirliun, ish-ministre dhe aktualisht kandidatja e Partisë Socialiste për Bashkinë e Tiranës në zgjedhjet e pjesshme që do të mbahen më 9 nëntor.

4 Tetor 2025, 20:02 Nga M.L
“Si ka mundësi që nuk të pyeti?”, Rama fton në
Foto ilustruese

TIRANA- Kryeministri Edi Rama ka ndarë së fundmi një fragment nga podcast-i i tij “Flasim”, i cili do të rikthehet nesër me një episod të ri. Në videon promovuese të publikuar, Rama shfaqet në bisedë me Ogerta Manastirliun, ish-ministre dhe aktualisht kandidatja e Partisë Socialiste për Bashkinë e Tiranës në zgjedhjet e pjesshme që do të mbahen më 9 nëntor.

Gjatë këtij komunikimi, Rama i drejtohet asaj me fjalët: “Ti do të jesh kryetarja e re e Bashkisë së Tiranës”, duke konfirmuar qartë përkrahjen dhe qëndrimin e PS për kandidaturën e Manastirliut.

Nga ana tjetër, Manastirliu ndan disa aspekte nga jeta e saj personale, ndërsa në fund të videos përmend edhe një episod ku një person i afërt e ka pyetur mbi mënyrën se si Rama shpalli kandidaturën e saj.

“Si ka mundësi që nuk të pyeti?”, thotë ajo, duke lënë të kuptohet se i referohet Asamblesë Kombëtare të Partisë Socialiste, ku Kryeministri njoftoi vendimin për kandidaturën e saj menjëherë pas nisjes së procedurave për shkarkimin e kryebashkiakut aktual.

edi rama ogerta manastritliu

Sondazh

Poll

MË SHUMË