Politike

Zgjedhjet e parakohshme në 6 bashki! Aplikimi i votimit elektronik, Celibashi: Nuk ka kohë

Teksa iu referua aplikimit të votimit elektronik, Celibashi u shpreh se është akoma në fazë diskutimi, por që nuk shihet si e arsyeshme, qoftë dhe nga koha dhe faktit votuesit nuk janë të familjarizuar me këtë proces. Sakaq Celibashi shtoi se një mundësi është për të aplikuar votimin elektronik në zonën nr. 10 të Tiranës.

3 Tetor 2025, 13:33 Nga M.L
Zgjedhjet e parakohshme në 6 bashki! Aplikimi i votimit elektronik,
Ilirjan Celibashi

TIRANA-Kreu i Komisionit Qendror të Zgjedhjeve, Ilirjan Celibashi ka prezantuar sot draftin e buxhetit gjatë një takimi me gazetarët lidhur me organizimin e zgjedhjeve të parakohshme për bashkitë Tiranë, Vlorë, Tepelenë, Mat, Cërrik dhe Berat, që do të mbahen më 9 nëntor. Teksa iu referua aplikimit të votimit elektronik, Celibashi u shpreh se është akoma në fazë diskutimi, por që nuk shihet si e arsyeshme, qoftë dhe nga koha dhe faktit votuesit nuk janë të familjarizuar me këtë proces. Sakaq Celibashi shtoi se një mundësi është për të aplikuar votimin elektronik në zonën nr. 10 të Tiranës.

“Kemi bërë një diskutim të brendshëm për ndonjë prej njësive zgjedhore, dhe për kohën e kemi parë si jo shumë të gjetur nëse do të vendosim për të zhvilluar votim elektronik por që dhe për 1 njësi zgjedhore, por më shumë për faktin nëse o të ishte rasti i ndonjërës i atyre njësive zgjedhore ku më para është zhvillua votimi elektronik, do të bënte sens sepse do të kishim votues që do të kishin një eksperiencë të fituar.

Me shumë mundësi nuk do ta aplikojmë, por jemi në një fazë diskutimi. Do të diskutojmë dhe me partitë politike. Maksimalisht mund të jetë për zonën nr, 10 në Tiranë”, tha Celibashi.

ilirjan celibashi

Sondazh

Poll

MË SHUMË