Politike

"Duhet ta kishe dhënë dorëheqjen në maj..."/ Shabani: Shkarkimi i Veliajt, jo ditë triumfi, por vendosje e interesit qytetar mbi atë të kryetarit të Bashkisë

Shabani theksoi gjithashtu se Velaij duhet ta kishte dhënë dorëheqjen kur shkoj në burg. 

23 Shtator 2025, 16:50 Nga E. D
"Duhet ta kishe dhënë dorëheqjen në
Endri Shabani

TIRANË- Kreu i Nismës Thurje, Endri Shabani gjatë mbledhjes së Këshillit Bashkiak të Tiranës tha se shkarkimi i Veliajt, nuk është një ditë triumfi për kryeqytetin, por vendosje e interesit qytetar mbi atë të kryetarit të Bashkisë. Shabani theksoi gjithashtu se Velaij duhet ta kishte dhënë dorëheqjen kur shkoj në burg. 

“E para në lidhje me kërkesën që në kemi sjellë. Ne kemi sjellje kërkesën për shkarkimin e Veliajt në 26 shkurt të këtij viti dhe është injoruar për disa muaj nga ju. Sot nuk e shoh si ditë triumfi, por interesi qytetarë është mbi hallin e kryetarit të Bashkisë.

Unë nuk e di nëse Erion Veliaj është fajtor, por i ka humbur moralin, pasi duhet ta kishte dhënë dorëheqjen kur shkoj në burg, Duhet ta kishe dhënë dorëheqjen në maj, kur përfunduan afatet, apo në Korrik kur vendosi Gjykata Kushtetuese mbi rastin e tij.

Para se të votojmë shkarkimin e Erion Veliajt, duhet ti kërkojmë falje qytetarëve që i kemi humbur 7 muaj. Pastaj më vjen mirë që po vijnë në këtë vendim, pasi është më mirë vonë sesa kurrë. Prandaj unë iu ftoj të gjithëve që të votojmë shkarkimin e Veliajt, por jo pa mësuar diçka nga kjo çështje. Herët ose vonë, ajo që është e drejtë do të ndodhi”, tha Shabani.

 

endri shabani

Sondazh

Poll

MË SHUMË