Politike

Denoncimet e PD-së për manipulim votash, Celibashi: Po përgatisim materialin kallëzues

Gjatë një deklaratë për mediat, Celibashi është shprehur se komisionerët e partive politike janë totalisht jashtë autoritetit dhe përgjegjësisë së KQZ-së. 

9 Shtator 2025, 11:50 Nga I.A
Denoncimet e PD-së për manipulim votash, Celibashi: Po përgatisim
Ilirjan Celibashi

TIRANË- Kryetari i Komisionit Qëndror të Zgjedhjeve Ilirjan Celibashi ka komentuar dhe denoncimet nga ana e Partisë Demokratike për manipulimin e votave. Gjatë një deklaratë për mediat, Celibashi është shprehur se komisionerët e partive politike janë totalisht jashtë autoritetit dhe përgjegjësisë së KQZ-së. Po ashtu Celibashi ka shtuar se janë duke përgatitur një material kallëzues për operatorët e PEI apo funksionarëve të tjerë që nuk kanë respektuar kërkesat e ligjit. 

“Ata komisionerë që janë sot janë totalisht jashtë autoritetit dhe përgjegjësisë së KQZ, ata janë njerëz partiak. Vetë partitë në kërkesat që ata bënë pas mbylljes së procesit konfirmuan mungesën e besimit tek ata njerëz. Ato pamje ndoshta nuk ka nevojë se mundet në ato pamje organet e ndjekjes penale të fillojnë procesin penal dhe në disa raste mesa di unë kanë filluar. Ne jemi në proces dhe sic e përcakton kodi zgjedhor do fillojmë procesion e këqyrjes së materialeve zgjedhore dhe do adresojë në organin e prokurorisë ato raste si të komisionerëve, të operatorëve te PEI apo funksionarëve të tjerë që nuk kanë respektuar kërkesat e ligjit dhe dukshëm kanë kontribuar në cënimin e këtij procesi zgjedhor. Jemi duke përgatitur materialin përkatës kallëzues”, tha Celibashi.

ilirjan celibashi

Sondazh

Poll

MË SHUMË