Politike

Drejtori i bashkisë Tepelenë injoron ultimatumet e Ramës, refuzon të japë dorëheqjen/ Shkarkohet nga kryebashkiakja e komanduar

Sipas raportimeve, Bami në bashkëpunim më Peçin, tashmë deputet i zgjedhur, dyshohet se kanë ngritur një skemë korruptive në bashkinë e Tepelenës.

4 Shtator 2025, 16:43 Nga r.ll
Drejtori i bashkisë Tepelenë injoron ultimatumet e Ramës, refuzon
bashkia tepelene

TEPELENË- Drejtori i Planifikimit dhe Kontrollit të Zhvillimit të Territorit, Lorenc Bami ka refuzuar të japë dorëheqjen nga detyra e tij, pavarësisht ultimatumeve të kryeministrit Edi Rama disa javë më parë. 

Ndërkohë për të çuar në vend thirrjet e kryeministrit, drejtorja e komanduar e bashkisë, Julinda Karteri ka vendosur të shkarkojë Bamin nga detyra, i cili njihet dhe si drejtori i tenderave të ish-kryebashkiakut, Tërmet Peçi. Vendimi për largimin e tij është marrë para disa ditësh, ndërsa është bërë publik ditën e sotme. 

Sipas Syri Tv, Bami në bashkëpunim më Peçin, tashmë deputet i zgjedhur, dyshohet se kanë ngritur një skemë korruptive në bashkinë e Tepelenës. Aleksandra Bami, bashkëshortja e drejtorit të bashkisë Tepelenë dyshohet se me firmën e tij ka marrë plotë 67 milionë euro tendera, shumica e tyre në bashkinë e Tepelenës.

Kompanitë e saj dyshohet se u përdorën gjithashtu edhe për të përfituar grante nga IPARD për ndërtimin e një thertoreje. Lidhur me këtë, PD bëri një denoncim në SPAK, ndërsa më pas agjentët e BKH-s kanë kryer kontrolle në bashkinë e Tepelenës, duke sekuestruar dokumente për procedura prokurimesh dhe të dhëna të tjera me interes për hetimin, që po zhvillohet ndaj ish-kryebashkiakut Peçi dhe Lorenc Bamit.

lorenc bami bashkia tepelene tërmet peçi aleksandra bami

Sondazh

Poll

MË SHUMË