Politike

"Shqiptarët janë ndotësit më të mëdhenj"/ Rama: Trajtimi i mbetjeve është një problem i madh

Gjatë fjalës së tij, Rama ka theksuar se ky problem nuk vjen nga asnjë turist i huaj, por nga të gjithë turistët shqipfolës, që vijnë në vendin tonë.

4 Shtator 2025, 13:04 Nga I.A
"Shqiptarët janë ndotësit më të
Edi Rama

TIRANË- Kryeministri Edi Rama ka folur për problemin e mbetjeve në zonat turistike në vendin tonë. Gjatë fjalës së tij, Rama ka theksuar se ky problem nuk vjen nga asnjë turist i huaj, por nga të gjithë turistët shqipfolës, që vijnë në vendin tonë. Rama në fund shtoi se është detyra e bashkive në vend që të merren me pastrimin e zonave turistike. 

"Turistë jo anglisht frëngjisht folës, por shqipfolës nga Shqipëria, Kosova e Maqedonia e Veriut, ‘shqipe’ që mblidhen për të shijuar Shqipërinë që ndalojnë në pika turistike dhe në të njëjtën kohë shkarkojnë edhe plehrat nga makinat e tyre. Jam i bindur që ndotësit më të mëdhenj janë ulëritësit më të mëdhenj të stadiumit kombëtar, që thyejnë karriget në stadium.

Ndërkohë trajtimi i mbetjeve është një problem i madh. Qeveria nuk mund të pastrojë Vlorën me gjithë dëshirën duhet ta bëjë bashkia. Por qeveria do angozhet për të bërë trajtimin e mbetjeve në nivel kombëtar, ashtu sikundër kemi folur edhe furnizimin me ujë," tha Rama.

edi rama

Sondazh

Poll

MË SHUMË