Politike

"Kodi i ri Penal ka tre prioritete"/ Manja: Do garantoj standardet europiane

Gjatë fjalës së tij në tryezën e dytë të prezantimit teknik të draftit, Manja ka theksuar se qeveria nuk ka asnjë ngutë për të bërë një kod penal të pakonsultuar dhe që nuk ka konsensus nga palët. 

4 Shtator 2025, 12:30 Nga I.A
"Kodi i ri Penal ka tre prioritete"/ Manja: Do
Ulsi Manja

TIRANË- Ministri i Drejtësisë Ulsi Manja ka deklaruar se Kodi i ri Penal ka tre prioritete që janë viktimat, të miturit dhe barazinë gjinore. Gjatë fjalës së tij në tryezën e dytë të prezantimit teknik të draftit, Manja ka theksuar se qeveria nuk ka asnjë ngutë për të bërë një kod penal të pakonsultuar dhe që nuk ka konsensus nga palët. 

"Na duhet Kod Penal për konsensus të gjerë edhe për opinionin publik sepse është reformë e rëndësishme politike dhe juridike. Nuk është thjesht një libër rregullash që penalizon disa rregulla, por kontratë sociale që do e vendosim bashkarisht se cilat sjellje do i nënshtrohen ligjit penal dhe cilat jo. Nuk kemi asnjë ngutje për të patur një Kod Penal të pakonsultuar, që s’ka konsensus të gjerë dhe aq më tepër që nuk garanton standardet europiane. Kodi kërkon një analizë të thellë, kërkon një reflektim nga aktorët dhe faktorët që kanë një fjalë për të thënë në këtë proces, kërkon mendje të ftohta, profesionistë dhe ekspertë të fushës, dhe jo ekspertë popullorë. 25 tryeza janë planifikuar deri në fund të vitit, janë ato që prezantuam në monitor. Merr në konsideratë viktimat, të miturit dhe barazinë gjinore. Sigurisht ka edhe risi të tjera për dënimet plotësuese, janë mbi 140 vepra që parashikojnë vetëm dënime plotësuese”, përfundoi Manja.

 

 

ulsi manja ndryshimet ne kodin penal

Sondazh

Poll

MË SHUMË