Politike

"Duhet cilësi dhe shërbim në plazhet publike"/ Rama: Përmirësimet në funksion të qytetarëve, jo të uzurpatorëve

Gjatë fjalës së tij, Rama ka theksuar se përmirësimi i këtyre hapësirave si në plazhin e Durrësit, Shëngjinit dhe Velipojës është e domosdoshme.

4 Shtator 2025, 12:58 Nga I.A
"Duhet cilësi dhe shërbim në plazhet publike"/ Rama:
Edi Rama

TIRANË- Kryeministri Edi Rama ka përmendur nevojën për cilësi dhe shërbim në plazhet publike në vendin tonë. Gjatë fjalës së tij, Rama ka theksuar se përmirësimi i këtyre hapësirave si në plazhin e Durrësit, Shëngjinit dhe Velipojës është e domosdoshme. Ndërkohë që ka theksuar se përmirësohet që do të bëhen në kërto plazhe janë në funksion të qytetarëve dhe jo të uzurpatorëve. 

“Plazhe si plazhi i Durrësit, Shëngjinit, Velipojës, që janë të mëdha nuk mund të kthehen në 100 % të administruara nga Bashkia, por duhet të vazhdojnë me shembullin që të rrisnin kërkesën për një shërbim cilësor. Pra jo të ofrosh shezlong ku rrezikon të të penetrojë gozhda e ndryshkur. Eksperienca e këtij viti me ridimensionin e plazheve publike tregoi se përmirësimi është i mundshëm. Eksperienca e bashkisë së Lezhës që më vjen inat që më duhet ta përmend ka treguar që është e mundshme arritja e cilësisë e përmirësimit. Pra është e mundshme që ne ta rishikojmë edhe një herë dhe ta përmirësojmë në funksion të qytetarëve dhe jo të uzurpatorëve të paskrupuj. Bashkitë duhet ta konsiderojnë seriozisht që në pjesën e lirë për publikun duhet të ketë shërbim. Një si ai që ka ofruar bashkia e Himarës dhe Bashkia e Lezhës në mos gabohem në një pikë të caktuar. Tjetra është çështja e mbetjeve. Kemi rezultate pozitive falë udhëheqjes nga terreni i ministres së Turizmit dhe Mjedisit”, tha Rama.

edi rama

Sondazh

Poll

MË SHUMË