Politike

SPAK refuzoi kërkesën e kryebashkiakut për takim me avokatët e huaj/ Erion Veliaj ankim në GJKKO

Veliaj është marrë i pandehur nga Prokuroria e Posaçme për 5 akuza, korrupsion, pastrim parash, fshehje e pasurisë, shpërdorim detyre dhe futje e sendeve të paligjshme në vendin e vuajtje së dënimit.

4 Shtator 2025, 12:19 Nga E. D
SPAK refuzoi kërkesën e kryebashkiakut për takim me avokatët
Erion Veliaj

TIRANË- Kryebashkiaku i Tiranës, Erion Veliaj, i cili ndodhet në qeli që prej muajit shkurt, ka ankimuar në Gjykatën e Posaçme një shkresë të SPAK që refuzoi kërkesën e tij për ta lejuar të takonte avokatët e huaj me qëllim përgatitjen e procedurës para Gjykatës së Strasburgut.

Erion Veliaj u arrestua në zyrën e Bashkisë më 10 shkurt si i dyshuar për kryerjen e veprës penale të “Korrupsioni pasiv i funksionarëve të lartë shtetërorë ose i të zgjedhurve vendorë”, kryer në bashkëpunim (9 herë) dhe “Pastrimi i produkteve të veprës penale ose veprimtarisë kriminale”. Bashkëshortja e kryebashkiakut, Ajola Xoxa është lënë në masë sigurimi "detyrim paraqitje". 

Sipas SPAK nga të dhënat konkrete të mbledhura deri në këtë fazë të hetimit paraprak, në mënyrë të përmbledhur rezulton se, nga personat nën hetim, specifikisht Veliaj edhe bashkëshortja e tij është ideuar, krijuar dhe vënë në funksionim një mekanizëm që ka synuar dhe ka bërë të mundur, në praktikë, marrjen e përfitimeve të parregullta, të cilat burojnë nga fondet publike që administrohen nga Bashkia Tiranë, përmes titullarit të saj, me qëllim pasurimin personal të këtij të fundit dhe familjes së tij, përmes veprimeve të kamufluara dhe të  kundërligjshme.

erion veliaj

Sondazh

Poll

MË SHUMË