Aktualitet

Elvis Naçi ndihmon për shërimin e vëllait të Elvisa dhe Rozina Dhimakut, reagon Klodian Tomorri: Prindërit kanë kaluar hatanë, nuk është e hijshme të merren ashtu për publicitet

Tomorri shprehet se publikimi i pamjeve të prindërve të cilëve u kanë ndërruar jetë dy fëmijë nuk i ka hije askujt. Ai thekson se prindërit kanë kaluar hatanë ndërsa fondacioni dhe hoxha e publikojnë videon si breaking news.

26 Gusht 2025, 17:23 Nga N.F
Elvis Naçi ndihmon për shërimin e vëllait të Elvisa
Foto

TIRANË- Gazetari Klodian Tomorri përmes një postimi në "Facebook" ka reaguar në lidhje me një video të publikuar së fundmi nga hoxha Elvis Naçi. Në këtë video flasin prindërit e dy viktimave të aksidentit tragjik në aksin Sarandë-Delvinë, Elvisa dhe Rozina Dhimaku të cilët falenderojnë Naçin për ndihmën që po u japin për shërimin e djalit 7-vjeçar.

Tomorri shprehet se publikimi i pamjeve të prindërve të cilëve u kanë ndërruar jetë dy fëmijë nuk i ka hije askujt. Ai thekson se prindërit kanë kaluar hatanë ndërsa fondacioni dhe hoxha e publikojnë videon si breaking news. Gazetari shtoi se ndihma e dhënë mund të publikohej me një njoftim dhe jo të përdoren dy prindër të shokuar nga ajo çfarë u ka ndodhur për tu bërë publicitet. Ai ka theksuar se nuk është aspak e hijshme.

"Kam nje lloj simpatie ne distance per Elvis Nacin edhe pse nuk e njoh, per disa arsye. Se pari nuk eshte radikal, se dyti me eshte dukur njeri i lexuar dhe se treti ka bere nje pune te mire me bamiresite.

Por kjo lloj gjeje ketu poshte nuk i ka hije askujt, jo me nje hoxhe. Keta dy njerez ne foto kane pesuar nje hata pertej hatase. Si mund t'i marresh dhe ti nxjerresh ashtu ne foto dhe te thuash flasin per here te pare prinderit e dy vajzave qe humben jeten ne aksident dhe u shprehen mirenjohesa per fondacionin.... Ca eshte kjo? Breaking neës. Futi dhe nje ekskluzive aty.
Keta jane aq te shokuar saqe nuk dine ku kane koken dhe eshte kollaj t'u shkelesh dinjitetin tani.

Bravo per ndihmen ndaj djalit, por kjo mund te behej thjesht dhe me nje njoftim. Ka dinjitet edhe vdekja or mik. Nuk merren njerezit ashtu per publicitet se nuk eshte e hijshme kjo, hic," shkruan Tomorri.

klodian tomorri elvis naci

Sondazh

Poll