Bota

Franca do të mbështesë Greqinë me anijet luftarake kundër Turqisë

30 Janar 2020, 10:56 Nga DOSJA
Franca do të mbështesë Greqinë me anijet luftarake

PARIS– Kryeministri i Greqisë, Kyriakos Mitsotakis, ka mirëpritur një vendim të Francës për dërgimin e frigateve të luftës në Mesdheun lindor.

Me tensionet midis Athinës dhe Ankarasë duke shkaktuar alarm ndërkombëtar në rritje, Mitsotakis i përshkroi anijet si “garantues të paqes”.

“E vetmja mënyrë për t’i dhënë fund dallimeve në Mesdheun lindor është rruga përmes drejtësisë ndërkombëtare.” –ka thënë në një deklaratë për shtyp kryeministri Kyriakos Mitsotakis, pasi zhvilloi një takim në Paris me presidentin francez, Emmanuel Macron.

“Greqia dhe Franca po ndjekin një kornizë të re të mbrojtjes strategjike.”-shtoi ai.

Mitsotakis ishte në kryeqytetin francez në një vizitë që synonte të mblidhte mbështetjen e BE në një kohë kur marrëdhëniet armiqësore me Turqinë kanë tensionuar.

Macron u zotua se Franca do të forcojë lidhjen e saj strategjike me Greqinë, duke akuzuar Turqinë jo vetëm për përkeqësimin e tensioneve rajonale, por nuk do t’i përmbahet kursit të saj të premtuar të veprimit në Libi të shkatërruar nga lufta.

“Dua të shpreh shqetësimet e mia në lidhje me sjelljen e Turqisë për momentin … ne kemi parë gjatë këtyre ditëve të fundit anijet luftarake turke të shoqëruara nga mercenarë sirianë mbërrijnë në tokën libiane. Kjo është një shkelje e qartë dhe serioze e asaj që u ra dakord, gjatë konferencës së paqes javën  e kaluar në Berlin. Është një premtim i thyer.”- ka thënë Macron.

Erdogani deri më tani ka synuar Qipron, ku një mosmarrëveshje mbi të drejtat e eksplorimit është thelluar pas zbulimit të depozitave të gazit natyror në ujërat përreth ishullit. Duke injoruar zemërimin turk për mos përfshirjen, qeveria qipriote greke e njohur ndërkombëtarisht ka bërë përparimin e kërkimit, duke porositur kompanitë ndërkombëtare të energjisë, për të eksploruar blloqe të alokuara në ishull për burimet nënujore.

Këtë muaj presidenti turk kërcënoi se do të dërgonte më shumë anije stërvitje në rajon në shenjë hakmarrjeje.

Burimi: Theguardian 

A.C/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

bota bota emmanuel macron kyriakos mitsotakis emmanuel macron kyriakos mitsotakis

Sondazh

Poll

MË SHUMË