KOSOVË- Publicisti Veton Surroi ka komentuar zhvillimet marrëveshjen mes Lëvizjes Vetëvendosje dhe Lidhjes Demokratike, duke u kërkuar të dy partive që të zgjidhin çështjen e presidentit të ardhshëm, që sipas tij nuk duhet të jetë partiak, raporton Gazeta Express. Surroi ka shkruar se LVV dhe LDK duhet të rikthehen në negociatat për koalicion prej një këndi tjetër.
“LVV dhe LDK mund t’u rikthehen negociatave për koalicion prej një këndi tjetër, atij të zgjedhjes së Presidentit/es. Kjo çështje qe një prej pengesave të mëdha dhe konstante për arritjen e marrëveshjes por nuk ka nevojë të jetë e tillë”, thotë ai.
Ai shprehet se nëse do të arrihet një marrëveshje mes LVV dhe LDK për presidentin, do të forcohet idea e balancit të pushtetit mes tyre.
“Koalicioni LVV-LDK duhet ta ketë të formalizuar zgjidhjen për çështjen e Presidentit/es , në mënyrë që kjo çështje të mos shtrohet si pengesë e funksionimit të Koalicionit kur të vijë koha e zgjedhjes e Presidentit/es. Sipas Kushtetutës dhe vendimit përkatës të Gjykatës Kushtetuese, Presidenti/ja nuk i “përket” asnjë partie politike, andaj zgjedhja e Presidentit/es duhet të jetë pjesë e së paku dy rrathëve të ndërtimit të koncensusit : një brenda koalicionit qeverisës dhe një tjetri me opozitën. Nëse LVV dhe LDK arrijnë një pajtim për procedurën e ndërtimit të konsensusit për Presidentin/en, atëbotë do të forcojnë idenë e balansit të pushtetit nëpërmjet bashkëpunimit dhe besimit të ndërsjellë. Njëherë e zgjidhur kjo çështje, mund t’u rikthehen çështjeve të mbetura, të pakta dhe që të gjitha të zgjidhshme”, shkruan Veton Surroi.
NEGOCIATAT E DËSHTUARA
Lëvizja Vetëvendosje dhe Lidhja Demokratike e Kosovës kanë dështuar të arrijnë marrëveshje edhe pas më shumë se tre muaj prej se kanë përfunduar zgjedhjet. Ngërçi në krijimin e qeverisë ka nisur për ndarjen e posteve të larta shtetërore. Lidhja Demokratike e Kosovës kërkon që në vitin e parë të qeverisjes të ketë Kryetarin e Kuvendit dhe Zëvendës Kryeministrin e parë, e në vitin e ardhshëm të lëshojë karrigen e kreut të Kuvendit e të marrë atë të Presidentit. Ndërkohë që kërkon të ketë dhe 5 ministri.
Por, Lëvizja Vetëvendosje tashmë ka zgjedhur Glauk Konjufcën si kryetar të Kuvendit dhe shprehet se nuk do e shkarkojë, por i ka propozuar LDK-së që të shtojnë numrin e ministrive e të marrin dhe Presidentin. Dy liderët e partive, VV-së dhe LDK-së janë takuar intensivisht me njëri-tjetrin, por ditët e fundit kanë ndërprerë takimet për më shumë se një javë dhe komunikimin e vetëm publik e kanë bërë me shkëmbimin e dy letrave të cilat përmbajnë ofertat e njëra- tjetrës se si të formohet qeveria. Pak ditë më parë është Konstituuar dhe Legjislatura e 7-të e Kuvendit të Kosovës, ku u bë vetëm zgjedhja e kreut të ri të këtij institucioni, por ende nuk është arritur marrëveshja për të formuar dhe qeverinë.
(a.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
KINË– Virusi vdekjeprurës në Kinë u ka marrë jetën deri ditën e sotme 170 personave ndërsa ka gjasa që numri të shkojë vetëm në rritje pasi janë konfirmuar...
KINË– Numri i vdekjeve nga koronavirusi ka shkuar në 170. Tashmë sëmundja ka mbërritur në çdo rajon të Kinës, raporton BBC. Së fundmi u konfirmua ed...
SHBA– Gjyqi për zbardhjen e Presidentit Donald Trump ka vazhduar ditën e djeshme me dy seanca ku secila ka zgjatur 8 orë, me pyetje nga senatorët.Sipas rregulla...
SHBA– Zyrtarët amerikanë thonë se ata kanë zbuluar tunelin më të gjatë të kontrabandës të gjetur ndonjëherë në kufirin me Meksikën.Shtrihet për 1,313m, tuneli k...
SHBA– Palestinezët kanë refuzuar në mënyrë kategorike propozimin e Donald Trump për Lindjen e Mesme, duke u shprehur se Trump ka bërë këto lëvizje kundër ...
SHBA- Gruaja e Kobe Bryant ka thyer heshtjen pas vdekjes së bashkëshortit të saj dhe ka bërë një dedikim prekës. Në një reagim në Instagram, Vanesa shkruan se n...
BRITANI E MADHE- Deputetët e parlamentit ratifikuan Marrëveshjen e tërheqjes së Brexit-it me 621 vota dhe 49 pas një debati emocional në Bruksel.Pas votimit, e...
GJERMANI- Gjermania e ka refuzuar kërkesën për dhënien e provimit të patentave në gjuhën shqipe. Këtë e mësoi Deutsche Welle nga dy ambasadorët e Kosovës dhe Sh...
SHBA– Presidenti Donald Trump ditën e djeshme ka reaguar ashpër kundër këshilltarit të tij të Sigurimit Kombëtar, John Bolton, duke hequr dorë nga ish-ndihmësi...
KINË– Numri i vitimave sa vjen dhe rritet në Kinë për shkak të virusit vdekjeprurës. Të paktën 170 persona kanë humbur jetën ndërsa 7.711 janë prekur nga k...