Politike

Ftesa për hapjen e Grupkapitullit të 5-të, Spiropali: Kuvendi do të intensifikojë diplomacinë parlamentare për arritjen e objektivit kombëtar për Shqipërinë 2030 në BE!

Spiropali shkruan se kjo ftesë përmbyll çeljen e të gjithë kapitujve të negociatave.

23 Korrik 2025, 16:14 Nga N.F
Ftesa për hapjen e Grupkapitullit të 5-të, Spiropali: Kuvendi do
Spiropali

TIRANË- Kryeparlamentarja, Elisa Spiropali ka reaguar në lidhje me ftesën e presidencës daneze në BE për hapjen e grupkapitullit të pestë për Shqipërinë në rrugëtimin drejt integrimit europian. Spiropali shkruan se kjo ftesë përmbyll çeljen e të gjithë kapitujve të negociatave. Ajo më tëj theksoi se Kuvendi do të mbështesë dhe do të intensifikojë diplomacinë parlamentare për arritjen e objektivit për Shqipërinë në BE nëv vitin 2030.

"Ftesa e Presidencës Daneze për paraqitjen e Pozicionit Negociues për Grupkapitullin 5 “Burimet, Bujqësia dhe Kohezioni” dhe Konferenca Ndërqeveritare që do të mbahet së shpejti përmbyllin çeljen e të gjithë kapitujve të negociatave.

Kuvendi do të vijojë të mbështesë maksimalisht paraqitjen e Pozicionit Negociues dhe përpjekjet, kontributet dhe investimet për zhvillimin e qëndrueshëm rural, modernizimin e bujqësisë dhe kohezionin social e territorial të Shqipërisë, si dhe do të intensifikojë diplomacinë parlamentare për arritjen e objektivit tonë kombëtar për Shqipërinë 2030 në BE," shkruan Spiropali.

Kryeministri Edi Rama bëri të ditur sot se Komiteti i Përfaqësuesve të Përhershëm të Vendeve Anëtare të Bashkimit Europian autorizoi Presidencën Daneze të ftojë Shqipërinë për të paraqitur Pozicionin e saj Negociues për negociatat lidhur me kapitujt që përbëjnë Grupkapitullin 5.

Ky grupkapitull lidhet me “Burimet, Bujqësia dhe Kohezioni”. Rama shkruan se Shqipëria nuk ndalet se dhe kjo ftesë vjen në vijim të progresit të vazhdueshëm e dinamik të vendit në rrugën e negociatave të anëtarësimit në Bashkimin Evropian.

spiropali

Sondazh

Poll

MË SHUMË