Politike

Samiti i Ballkanit Perëndimor/ Publikohet deklarata përfundimtare: BE të mbështesë perspektivën europiane të Ballkanit Pe

29 Janar 2020, 12:02 Nga DOSJA
Samiti i Ballkanit Perëndimor/ Publikohet deklarata përfundimtare: BE

Tiranë- Zbardhet deklarata përfundimtare e Samitit të Ballkanit Perëndimor që u zhvillua dje në Bruksel, ku kanë firmosur edhe Kosova dhe Serbia. Ndër të tjera në dekratë thuhet se parlamentet luajnë një rol kyç për axhendën e reformave të Bashkimit Europian, ndërsa shpreh gatishmërinë e saj për të mbështetur perspektivën europiane të vendeve të Ballkanit Perëndimor. Në një nga pikat e vendimit thuhet se Samiti i Zagrebit mund të kthejë besimit tek politika e zgjerimit, duke e quajtur atë një proces në favor të dy palëve.

DEKLARATA E PËRBASHKËT:

“Ne, Kryetarët e parlamenteve të Ballkanit Perëndimor, bashkë me Presidentin e Parlamentit Evropian dhe Kryetarin e Parlamentit të Kroacisë, i cili përfaqëson Presidencën kroate të Këshillit të BE-së,

1. Rikonfirmojmë rolin kyç të parlamenteve për çuarjen përpara të axhendës së reformave të BE-së dhe për ruajtjen e aspiratës evropiane të popujve të Ballkanit Perëndimor;

2. I bëjmë thirrje Këshillit Evropian që të vazhdojë të mbështesë perspektivën evropiane të Ballkanit Perëndimor, bazuar ne plotesimin e kritereve te anetaresimit, dhe të japë një mesazh politik të qartë dhe pozitiv në lidhje me hapjen e negociatave të anëtarësimit dhe dhenien e statusit te vendit kandidat;

3. Gjykojmë se Samiti i Zagrebit mund të luajë një rol shumë të rëndësishëm për të kthyer kredibilitetin e politikës së zgjerimit dhe për ti dhënë këtij procesi një shtysë të re efektive përmes konkluzioneve konkrete që do ta çonin rajonin më pranë BE-së dhe do të garantonin qëndrueshmërinë e perspektivës evropiane të Ballkanit Perëndimor;

4. Konfirmojmë angazhimin e plotë të parlamenteve tona për të marrë pjesë në reflektimet për një “qasje të re” ndaj zgjerimit, në mënyrë që procesi të bëhet më demokratik, më transparent dhe më pranë qytetarëve dhe shoqërisë civile; rikonfirmojmë se sundimi i ligjit është – dhe duhet të mbetet – një gur themeli i procesit të anëtarësimit;

5. Besojmë fort se zgjerimi i Bashkimit Evropian do të jetë në dobi të popujve të Ballkanit Perëndimor dhe të Vendeve Anëtare të BE-së, dhe mund të sjellë pajtimin aq të nevojshëm në rajon;

6. Gjykojmë që, ndërsa përgatitjet për Konferencën mbi të Ardhmen e Evropës po ecin me shpejtësi, Ballkani Perëndimor Gjashtë duhet të jetë tërësisht i lidhur me punën e Konferencës;

7. Jemi plotësisht të angazhuar të punojmë së bashku për të forcuar demokracinë parlamentare dhe dimensionin parlamentar të procesit të zgjerimit, si dhe për të thelluar kulturën parlamentare, të bazuar në arritjen e konsensusit përmes një dialogu për qëllim të mirë, të hapur, gjithëpërfshirës dhe jo-konfrontues, i udhëhequr nga interesi për paqe të qëndrueshme; theksojmë rëndësinë e programeve për mbështetjen parlamentare dhe të ngritjes së kapaciteteve, të realizuara në nivel lokal dhe rajonal, të mbështetur nga Parlamenti Evropian;

8. Besojmë se fuqizimi i parlamenteve është një pjesë thelbësore e procesit të zgjerimit, pasi vetëm parlamentet e fuqizuara dhe efikase, me kultura të forta të dialogut gjithëpërfshirës dhe arritjes së konsensusit, mund të jenë motorë të vërtetë dhe efektivë të reformave.  

Së fundmi, ne, Kryetarët e parlamenteve të Ballkanit Perëndimor Gjashtë, me mbështetjen e plotë të Presidentit të Parlamentit Evropian dhe Kryetari i Parlamentit te Kroacise, i cili perfaqeson Presidencen kroate te Keshillit te BE-se, angazhohemi për të drejtuar parlamentet tona përkatëse në këtë rrugëtim dhe të ndihmojmë për të krijuar një moment të ri politik në procesin e zgjerimit që i përgjigjet pritshmërive të të gjithë qytetarëve tanë.

David Maria Sassoli President i Parlamentit EvropianGordan Jandroković Kryetar i Parlamentit të Kroacisë

Gramoz Ruçi  Kryetar i Kuvendit të Republikës së Shqipërisë

Denis Zvizdić Kryetar i Dhomës së Përfaqësuesve, Asambleja Parlamentare e Bosnjë-Hercegovinës

Dragan Čović Kryetar i Dhomës së Popujve, Asambleja Parlamentare e Bosnjë-Hercegovinës

Glauk Konjufca President i Kuvendit të Kosovës

Ivan Brajović President i Parlamentit të Malit të Zi

Talat Xhaferi President i Kuvendit të Republikës së Maqedonisë së Veriut

Maja Gojković Kryetare e Asamblesë Kombëtare të Republikës së Serbisë

Çështja e negociatave:

Disa javë më parë Komisioneri për Zgjerim në Bashkimin Europaian, Oliver Varhelyi, gjatë vizitës në Tiranë deklaroi se ka biseduar me dy vendet skeptike,  Francën dhe Holandën për çeljen e negiociatave për Shqipërinë. Sipas tij, diskutimet kanë vijuar me tone pozitive dhe u shpreh se shpreson që negociatat të hapen para samitit Zagrebit. Ndërsa dje kancelarja gjermane, Angela Merkel u shpreh se Gjermania, do të bëjë çmos që ky vit të jetë viti i dritës jeshile që KE-ja do t’i japë Shqipërisë. Në muajin tetor Shqipëria dhe Maqedonia e Veriut morën një “JO” për hapjen e negociatave me BE-në. Dy vendet kundër ishin Franca dhe Holanda.

J.V/Dosja.al

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike samiti per ballkanin perendimor zbardhet deklarata e samitit të brukselit samiti per ballkanin perendimor zbardhet deklarata e samitit të brukselit

Sondazh

Poll

Politike 29 Janar 2020, 11:24

Has- Liman Morina, kreu i Bashkisë së Hasit ka reaguar ndaj Gazmend Bardhit pas akuzës se ai ishte kapur me zë dhe fugurë duke blerë vota. Morina ka deklaruar s...

Politike 28 Janar 2020, 21:54

TIRANË– Ish-ministri i Drejtësisë, Ylli Manjani ka folur për vendimin për rikthimin e dosjes 184 në Dibër.Teksa ishte i ftuar në studion e “Tempora” ...

MË SHUMË