Politike

U takua me Ramën në Shkup, Ali Ahmeti ndan foto: E ardhmja europiane e rajonit është e përbashkët, nuk ka ndarje në këtë proces!

Ahmeti shkruan se Shqipëria është në një rrugë të pakthyeshme drejt anëtarësimit në Bashkimin Europian.

1 Korrik 2025, 08:29 Nga N.F
U takua me Ramën në Shkup, Ali Ahmeti ndan foto: E ardhmja europiane e
Takimi

SHKUP- Kreu i BDI-së, Ali Ahmeti përmes një postimi në "Facebook" ka ndarë foto nga takimi me kryeministrin Edi Rama në Shkup. Ky takim është zhvilluar në kuadër të Konferencës për Bashkimin Europian.

Ahmeti shkruan se Shqipëria është në një rrugë të pakthyeshme drejt anëtarësimit në Bashkimin Europian. Sipas tij e ardhmja europiane e rajonit është e përbashkët dhe se nuk ka ndarje në këtë proces.

Postimi:

Takim vëllazëror në Shkup me Kryeministrin e Republikës së Shqipërisë, z. Edi Rama, në kuadër të Konferencës për Bashkimin Europian. Në një kohë kur Shqipëria është në një rrugë të pakthyeshme drejt anëtarësimit në Bashkimin Europian, e ritheksuam se edhe Maqedonia e Veriut duhet të jetë pjesë e kësaj rruge. E ardhmja europiane e rajonit është e përbashkët, nuk ka ndarje në këtë proces.

Diskutuam për: Kërcënimet serioze ndaj Marrëveshjes së Ohrit; Marrëdhëniet ndëretnike në vend; Rëndësinë e forcimit të raporteve shtetërore mes Republikës së Maqedonisë së Veriut dhe Republikës së Shqipërisë.

Ky ishte një takim i sinqertë, me thellësi politike dhe vëllazërore, në funksion të barazisë dhe perspektivës europiane. Falënderoj Kryeministrin Rama për mbështetjen e vazhdueshme të barazisë dhe rrugës europiane të Maqedonisë së Veriut.

U takua me Ramën në Shkup, Ali Ahmeti ndan foto: E ardhmja europiane e

ahmeti rama

Sondazh

Poll

MË SHUMË