TIRANË– Ambasadorja e re e Shteteve të Bashkuara të Amerikës, Yuri Kim ka dorëzuar sot zyrtarisht letrat kredenciale për marrjen e detyrës pranë presidentit të Republikës, Ilir Meta. Paraditen e sotme ajo ka takuar kreun e shtetit, Ilir Meta, i cili lidhur me takimin ka shprehur kënaqësinë për takimin me të dërguarën e re të SHBA-ve. Më tej, Meta ka shtuar se SHBA është i partner i pazëvendësushëm për Shqipërinë, me të cilin vendi ynë ka përballuar të gjitha sfidat.
Pas takimit me Metën, Kim ka shkuar në zyrën e ambasadorit të BE-së në Shqipëri, Luigi Soreca. Pasi e ka pritur me trëndafila të kuq, Soreca ka shprehur gjithashtu kënaqësinë e tij për bashkëpunimin, duke e paralajmëruar Kim-in se ky vit është i rëndësishëm për integrimin e vendit në Bashkimin Europian. “Ne jemi ne me ju krah për krah. Faleminderit shumë“, tha Kim në gjuhën Shqipe.
Ndërkohë që pasi ka përfunduar të gjitha takimet, Kim ka mbajtur një fjalim nga ambasada e SHBA-ve në Tiranë. Në shi, me çadër, e veshur e gjitha me të zeza, Kim ka kujtuar marrëdhëniet mes Shqipërisë dhe SHBA-së, që para 100-viteve. Kryediplomatja amerikane tha se është e nderuar që merr këtë detyrë nga presidenti Donald Trump dhe Sekretari i Shtetit, Mike Pompeo, ndërkohë që iu kujtoi të gjithë shqiptarëve, se “ishte presidenti amerikan që ndaloi ndarjen e Shqipërisë nga Fuqitë e Mëdha, kur askush s’i hapte derën”.
Kim mbërriti në Shqipëri të mërkurën e kaluar, trembëdhjetë ditë pasi bëri betimin në Departamentin Amerikan të Shtetit. Ajo ka deklaruar se do të nxisë udhëheqësit e Shqipërisë për të zgjidhur ngërçin aktual politik në mënyrë që të forcohet perspektiva e hapjes së negociatave të anëtarësimit me Bashkimin Europian.
Kush është Yuri Kim?
Yuri Kim mbërriti në Tiranë si Ambasadorja e Shteteve të Bashkuara të Amerikës në Republikën e Shqipërisë në janar 2020. Ambasadorja Kim, një diplomate karriere, ka punuar mbi sfida kyçe të politikës së jashtme dhe sigurisë kombëtare në mbarë Europën, Azinë dhe Lindjen e Mesme. Ka qenë drejtoreshë e Çështjeve të Europës Jugore dhe ka mbuluar Turqinë, Greqinë, Qipron dhe më gjerë rajonin e Mesdheut Lindor; si drejtoreshë e Zyrës së Çështjeve Europiane të Sigurisë dhe ato Politiko-Ushtarake, ka mbuluar NATO-n dhe Organizatën për Siguri dhe Bashkëpunim në Europë (OSBE).
Më parë ka qenë Shefe e Kabinetit e Zëvendës Sekretarit të Shtetit dhe drejtoreshë e Qendrës për Studimin e Administrimit të Diplomacisë. Më herët në karrierën e saj, ka qenë Ndihmëse e Posaçme e Sekretarit të Shtetit Colin Powell, si dhe Ndihmëse e Posaçme e Ndihmës Sekretarit të Shtetit për Çështjet e Azisë Lindore dhe Paqësorit. Mandatet e saj jashtë SHBA përfshijnë Turqinë, Irakun, Republikën e Koresë, Japoninë dhe Kinën. Yuri Kim ka një diplomë bachelor nga Universiteti i Pensilvanisë dhe një Master në Filozofi nga Universiteti i Kembrixhit.
(k.m;f.g/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Bashkëkryetari i Reformës Zgjedhore, Damian Gjiknuri, në një deklaratë për mediat pas mbledhjes së Këshillit Politik, ka bërë me dije se çfa...
TIRANË- Këshilli Politik ka zhvilluar sot mbledhjen e radhës, ku Partia Demokratike dhe aleatët e saj kanë propozuar ndryshimet e tyre për Reformën Zgjedho...
TIRANË– Ambasadorja e re e SHBA-ve në vend ka shkuar në zyrën e kolegut të saj, të dërguarit të Bashkimit Europian në Shqipëri, Luigi Soreca.E pritur me lu...
TIRANE- Mblidhet sërish Këshilli Politik, me pjesëmarrjen e anëtarëve negociatorë të cilët zhvilluar sot në mjediset e “Europe House” takimin e radhës për Refor...
GJERMANI- Kryeministri Edi Rama ka mbërritur në zyrën e Kancelares Gjermane, Angela Merkel. Ka qenë vetë Rama që ka publikuar një video, ku shihet teska zbret n...
Tiranë- Nënkryetari i Partisë Demokratike, Edmond Spaho ka deklaruar se nëse nuk do të caktohet data e zgjedhjeve të përgjithshme dhe vendore pas miratimit të R...
GJERMANI- Deputeti i Partisë Socialiste, Taulant Balla së bashku me Kryeministrin Edi Rama, ndodhen në Gjemrani ku do zhvillojnë një takim me Kancelaren Angela ...
I ftuar në ABC-ja e mëngjesit me Enkel Demin mëngjesin e sotëm ishte i ftuar zv/ministri i jashtëm Etjen Xhafaj. Zv/ministri foli për procesin e rindërtimit pas...
Tiranë- Ambasadorja e re e Shteteve të Bashkuara të Amerikës, Yuri Kim mëngjesin e sotëm shkoi në Presidencë, ku i paraqiti presidentit Ilir Meta letrat kredenc...
BERLIN– Kryeministri shqiptar Edi Rama ka zhvilluar një takim me Kancelaren gjermane Angela Merkel. Zëdhënësja e qeverisë gjermane, Ulrike Demmer është shprehur...