Aktualitet

Përfundon për sot procesi i rinumërimit të votave për qarkun e Tiranës, si ndahen rezultatet deri më tani

Sipas rezultateve të publikuara në faqen zyrtare të Komisionit Qendror të Zgjedhjeve, deri më tani janë numëruar 437 kuti me fletë votimi, nga 1282 që janë në total.

21 Qershor 2025, 18:09 Nga r.ll
Përfundon për sot procesi i rinumërimit të votave për
pamje nga vendi i rinumerimit

TIRANË- Sot ishte dita e tretë e rinumërimit të votave për partitë dhe kandidatët në qarkun e Tiranës. Për ditën e sotme procesi ka përfunduar, ndërsa sipas rezultateve të publikuara në faqen zyrtare të Komisionit Qendror të Zgjedhjeve, deri më tani janë numëruar 437 kuti me fletë votimi, nga 1282 që janë në total.

Përfundon për sot procesi i rinumërimit të votave për

Nga rezultatet për këtë numër kutish shihet se Partia Socialiste pas rinumërimit ka rezultuar me 193 vota më pak, koalicioni PD-ASHM me 219 vota më pak, Nisma Shqipëria Bëhet me 26 vota më pak, PSD me 23 vota më pak, Lëvizja Bashkë me 10 vota më pak dhe Partia Mundësia me 8 vota më pak. Ndërkohë Koalicioni Euroatlantik nga rinumërimi i deritanishëm ka dalë me 13 vota më shumë dhe Koalicioni Djathtas për Zhvillim me 7 vota më shumë. 

Procesi i rinumërimit në pallatin e sportit "Fahrije Hoti" do të nisë sërish ditën e hënë, ndërsa pritet të zgjasë 10 ditë. Pas Tiranë, qarku i Fierit dhe qarku i Durrësit do të jenë të radhës ku do të nisë procesi i rinumërimit. 

procesi i rinumerimit per tiranen

Sondazh

Poll

MË SHUMË