Aktualitet

3 vëllezërit kërcënuan me armë një 30-vjeçar pas sherrit në rrugë, arrestohen 2 prej tyre në Tiranë

Mësohet sengjarja ka ndodhur në rrugën “Tafaj” ku tre vëllezërit pas një konflikti për motive të dobta në rrugë kanë kërcënuar të riun.

21 Qershor 2025, 12:51 Nga M.B
3 vëllezërit kërcënuan me armë një
Arma

TIRANA- Dy persona janë arrestuar në Tiranë pasi dyshohet se në bashkëpunim me vëllain e tyre të shpallur në kërkim, kërcënuan me armë zjarri një 30-vjeçar pas sherrit në rrugë. Mësohet sengjarja ka ndodhur në rrugën “Tafaj” ku tre vëllezërit pas një konflikti për motive të dobta në rrugë kanë kërcënuar të riun. Bëhet me dije se gjatë kontrollit në banesat e dy personave të arrestuar, në Tufinë, blutë gjetën dhe sekuestruan 3 armë zjarri pistoleta si edhe municion luftarak.

 Njoftimi: 

Kanosën me armë zjarri një 30-vjeçar, pasi u konfliktuan për motive të dobëta, në rrugë, identifikohen 3 shtetas (vëllezër). Vihen në pranga 2 prej tyre, punohet për kapjen e tjetrit. Sekuestrohen 3 armë zjarri pistoleta, municion luftarak dhe 1 automjet.

Specialistët e Komisariatit të Policisë Nr. 4, në bashkëpunim me shërbimet e Forcës së Posaçme “Shqiponja”, pas marrjes së njoftimit se në rrugën “Tafaj”, një 30-vjeçar ishte kanosur me armë zjarri nga 3 shtetas, organizuan dhe finalizuan operacionin policor “Triangle”, për identifikimin dhe kapjen e tyre. Në kuadër të operacionit u arrestuan shtetasit: A. M., 41 vjeç dhe R. M., 46 vjeç, dhe u shpall në kërkim shtetasi G. M., 45 vjeç (vëllezër).

Nga hetimet dyshohet se këta shtetas, në bashkëpunim me njëri-tjetrin, pas një konflikti për motive të dobëta, me një 30-vjeçar, e kanë kanosur atë me armë zjarri. Në vijim të veprimeve, gjatë kontrollit në banesat e dy shtetasve të arrestuar, në Tufinë, shërbimet e Policisë gjetën dhe sekuestruan 3 armë zjarri pistoleta dhe municion luftarak. Materialet procedurale iu referuan Prokurorisë së Tiranës, për veprime të mëtejshme.

tirana

Sondazh

Poll

MË SHUMË