Politike

Izraeli po kryen genocid në Gaza? Hasani: Qëndrimet tona janë në përputhje me komunitetin ndërkombëtar perëndimor

Ai theksoi se këto qëndrime janë qëndrime që kemi mbajtur si vend në unison me Perëndimin.

19 Qershor 2025, 22:04 Nga M.B
Izraeli po kryen genocid në Gaza? Hasani: Qëndrimet tona janë
Igli Hasani

TIRANA- Ministri për Evropën dhe Punët e Jashtme, Igli Hasani, ka folur edhe lidhur me qëndrimin e Shqipërisë ndaj Izraelit për situatën në Gaza. Gjatë një lidhje direkte për emisionin "Të Paekspozuarit" Hasani tha se qëndrimet e Shqipërisë janë në përputhje me komunitetin ndërkombëtar perëndimor, me vendet demokratike. Ai theksoi se këto qëndrime janë qëndrime që kemi mbajtur si vend në unison me Perëndimin.

"Nuk më duket se kemi shkuar më larg sesa duhet. Këto janë deduksionet tuaja. Qëndrimet tona janë në përputhje me komunitetin ndërkombëtar perëndimor, me vendet demokratike. Janë qëndrime që kemi mbajtur në unison. Kjo është konstante, e pandryshueshme dhe po vijojmë ti bashkohemi zërave të miqve dhe partnerëve. Më lejoni të mos komentoj mbi deduksione sepse po shkojnë në drejtim që nuk i përgjigjen realitetit.

Sa i përket komuniteteve, rezultati i zgjedhjeve ka treguar se kemi mbështetje dërrmuese edhe për politikën e jashtme dhe do të vijojnë të jemi krah për krah aleatëve tanë, vendeve të BE, SHBA dhe shteteve që na kanë mëbshtetur tradicionalisht. Nuk mund të gjejmë justifikim në veprimet agresive të Ajatollahëve, ndaj Izraelit, rendit dhe paqes në botë apo edhe Shqipërinë, një vend që na ka sulmuar tre vite më parë dhe e ka konsideruar si vend me mundësi për të agresuar", tha Hasani.

igli hasani

Sondazh

Poll

MË SHUMË