Politike

"E rëndësishme që gjuha të mos jetë ekstremiste!" Hasani: Qëndrojmë larg regjimit të Ajatollahëve dhe diktaturave, jemi krah Perëndimit

Ministri theksoi se pretendojmë të jemi larg regjimeve të Ajatollahjëve dhe regjimeve diktatoriale dhe t'i largohemi sa më shumë ekstremizmave.

19 Qershor 2025, 21:56 Nga M.B
"E rëndësishme që gjuha të mos jetë
Igli Hasani

TIRANA- Ministri për Evropën dhe Punët e Jashtme, Igli Hasani, ka folur sot për qëndrimin e Shqipërisë në konfliktin Izrael-Iran dhe përshkallëzimin ushtarak të këtij konflikti në ditët e fundit. Gjatë një lidhje direkte për emisionin "Të Paekspozuarit" Hasani tha se Shqipëria qëndron krah vendeve perëndimore.

Ai u pyet se përse Shqipëria ka një qëndrim pro Izraelit pa kushte, ndërkohë që Bashkimi Europian ka një gjuhë më të moderuar. Ministri theksoi se pretendojmë të jemi larg regjimeve të Ajatollahjëve dhe regjimeve diktatoriale dhe t'i largohemi sa më shumë ekstremizmave.

"Është e rëndësishme që gjuha të mos jetë ekstremiste, të mos përmbajë elementë të pasioneve personale dhe të mos jetë në raport me qëndrimet që mban një shtet subjekt i angazhimeve radikale, të dikujt apo shumëkujt që e mendon ndryshe. Shqipëria i qëndron, qëndrimeve të ka mbajtur.

Është partner i besueshëm i BE, do të vijojë të mbështesë qëndrimet e vendeve Perëndimore për të patur të ardhmen që pretendojmë ta kemi larg regjimeve të Ajatollahjëve dhe regjimeve diktatoriale dhe t'i largohemi sa më shumë ekstremizmave", tha Hasani.

igli hasani

Sondazh

Poll

MË SHUMË