Politike

"Grupi parlamentar i PS e bën vetë të gjithë procesin në mungesën tuaj," Peleshi-opozitës: Me ju apo pa ju ne do ta mbyllim me shumë sukses Kuvendin për të filluar në shtator

Peleshi u shpreh se grupi parlamentar i PS e bën vetë të gjithë procesin pasi opozita nuk merr pjesë në komisione për të diskutuar për projektligjet.

16 Qershor 2025, 13:42 Nga N.F
"Grupi parlamentar i PS e bën vetë të gjithë procesin
Peleshi

TIRANË- Kreu i Grupit Parlamentar të Partisë Socialiste, Niko Peleshi iu përgjigj pretendimeve të opozitës se mazhoranca po zvarrit projektligjet e propozuara nga ata. Peleshi u shpreh se grupi parlamentar i PS e bën vetë të gjithë procesin pasi opozita nuk merr pjesë në komisione për të diskutuar për projektligjet.

Ai theksoi se me apo pa opozitën do ti mbyllin me sukeset seancat plenare që kanë mbetur dhe më pas për tu rikthyer sërish në shtator.

"Kemi punë shumë përpara sepse janë rreth 20 akte për tu miratuar. Parlamenti nuk fillon dhe mbaron në këtë foltore, jo vetëm të enjten por gjatë gjithë javës. Ju nuk paraqiteni në komisione. Dikush duhet të vijë në mbledhje të jetë aty jo vetëm për kuorum. Ta dinë edhe të gjithë shqiptarët se grupi parlamentar i PS e bën vetë të gjithë procesin në mungesën tuaj.

Ama duhet ta dinë edhe qytetarët, ju nuk vini në komisione dhe nëse ka komisione që nuk krijohet kuorum kjo vjen për shkak se shumë pak anëtarë të komisioneve nga opozita marrin pjesë nga opozita.  Me ju apo pa ju ne do ta mbyllim me shumë sukses këtë kuvend për të filluar në shtator," tha ai.

peleshi

Sondazh

Poll

MË SHUMË