Politike

Ceremonia e sesionit të XII-të të Asamblesë Parlamentare, Spiropali: Shqipëria po ecën me hapa të shpejtë drejt BE-së

Ajo tha se vendi po ecën me hapa të shpejtë drejt Bashkimit Europian, ndërsa shtoi se përshpejtimi i ritmeve të anëtarësimit të Shqipërisë është njëkohësisht një stimul edhe për vendete e tjera të rajonit.

10 Qershor 2025, 10:00 Nga r.ll
Ceremonia e sesionit të XII-të të Asamblesë Parlamentare,
kuvendi

TIRANË- Ceremonia e hapjes së Sesionit të XII-të Plenar të Asamblesë Parlamentare të Procesit të Bashkëpunimit të Evropës Juglindore (AP SEECP) po zhvillohet sot në Kuvend. Kryetarja e Parlamentit, Elisa Spiropali mbajti fjalën hapëse dhe u shpreh se Shqipëria po përmbyll me sukses kryesimin e këtij procesi gjatë periudhës 2024-2025. Ajo tha se vendi po ecën me hapa të shpejtë drejt Bashkimit Europian, ndërsa shtoi se përshpejtimi i ritmeve të anëtarësimit të Shqipërisë është njëkohësisht një stimul edhe për vendete e tjera të rajonit.

"Mirë se erdhët në ceremoninë e sesionit XII plenar të Asamblesë Parlamentare të procesit të bashkëpunimit të Europës Juglindore në kuadër e presidencës shqiptare. Shqipëria po përmbyll me sukses kryesimin e këtij procesi gjatë periudhës 2024-2025. Shqipëria po ecën me hapa të shpejtë drejt BE-së. Shqipëria i ka shërbyer sigurisë dhe paqes në mandatin e saj të suksesshëm si anëtare jo e përhershme e këshillit të sigurimit të Kombeve të Bashkuara gjatë vitit 2022 dhe 2023.

Përshpejtimi i ritmeve për anëtarësimin në Bashkimin Evropian është njëkohësisht një stimul edhe për vendete e tjera të rajonit, sepse ne e konsiderojmë procesin e bashkëpunimit të Europës Juglindore si një mekanizëm të fuqishëm jo vetëm që synon të forcojë marrëdhëniet e fqinjësisë së mirë por edhe të promovojë dialogun dhe të nis bashkëpunimin në nivel konkret dhe të forcojë besimin ndërmjet shteteve dhe mundësi për të bashkërenduar përpjekjet në procesin e integrimit europian të vendeve tona. Presidenca shqiptare kontribuoi në intensifikimin e bashkëpunimit rajonal.", u shpreh Spiropali. 

elisa spiropali

Sondazh

Poll

MË SHUMË