Politike

Rama: Po punojmë me bashkinë Tiranë për lirimin e hapësirave të zaptuara, nuk mund t'i vësh traun një prone

Rama tha se një person që zotëron një pronë nuk mund të vërë traunë dhe të marrë apo japë bileta për të parkuar makinën dikush tjetër. 

10 Qershor 2025, 09:37 Nga r.ll
Rama: Po punojmë me bashkinë Tiranë për lirimin e
edi rama

TIRANË- Kryeministri Edi Rama u shpreh sot se qeveria po punon me bashkinë e Tiranës për lirimin e hapësirave që sipas janë zaptuar në mënyrë të patolerueshme. Rama tha se një person që zotëron një pronë nuk mund të vërë traunë dhe të marrë apo japë bileta për të parkuar makinën dikush tjetër. 

Rama: Sa i përket atyre miniparqeve që i doni dhe i kërkoni, është shumë e drejtë, por kur shikoni që ndërtohet aty ku ju doni një minipark, kini parasysh që ka dhe prona private. Janë të drejtat e pronarëve, nuk është se ti sheh një hapësirë atje dhe thua hajd se po i futemi dhe po i bëjmë, se ajo hapësira ka pronarë.

Jemi duke punuar me bashkinë për një plan të ri të pastrimit të të gjitha hapësirave brenda të gjitha lagjeve, nga të gjitha llojet e zaptimeve, duke nisur nga një zaptim i tmerrshëm dhe i patolerueshëm me trarë dhe me marrje dhe dhënie biletash për të parkuar makinën sepse dikush thotë kam një pronë këtu. Nuk mund të kesh pronë dhe ta përdorësh si të duash duke i vënë traun qytetarëve që jetojnë në një bllok banimi.

Ai u shpreh se po punohet për parkime të reja në kryeqytet, ndonëse sipas tij në vend ka një sërë parkimesh nëntokësore. 

"Jemi duke punuar për parkime të reja, ka një sërë parkimesh nëntokësore. Nuk e di pse ty të zë frymën Tirana, ndërkohë që të gjithë atyre që vizitojnë Tiranën, Tirana u nxit fjalët më të mira”, u shpreh kryeministri.

edi rama

Sondazh

Poll

MË SHUMË