Aktualitet

Si shpërndahej droga? Prokurori Shehu: Nga Shqipëria e dërgonin në Spanjë, pastaj përmes shërbimit postar

Gjatë konferencës për mediat, Shehu ka theksuar se nga Shqipëria shkonte për në Spanjë, ndërkohë që më pas përdorej shërbimit postar për ta dërguar në Finlandë.

3 Qershor 2025, 13:24 Nga I.A
Si shpërndahej droga? Prokurori Shehu: Nga Shqipëria e dërgonin
Alfred Shehu

TIRANË- Prokurori i SPAK Alfred Shehu ka dhënë detaje se si shpërndahej droga nga Shqipëria për në Finlandë. Gjatë konferencës për mediat, Shehu ka theksuar se nga Shqipëria shkonte për në Spanjë, ndërkohë që më pas përdorej shërbimit postar për ta dërguar në Finlandë. Më pas në Finlandë shpërndahej nga grupet atje. 

"Të përfshirë edhe rumunë, aziatikë, dhe afrikanë. Karakteristikë e këtyre grupeve ka qenë bashkëpunimi i tyre me njëri tjetërit për qëllime kriminale. Dy nga grupet organizonin trafikimin nga Shqipëria për ta dërguar nga Spanja për në Finlandë dhe atje kishin rrjetin e shpërndarës. Një grup tjetër vepronte vetëm në Finlandë për blerjen dhe shitjen e lëndëve narkotike në Finlandë. Një grup tjetër kishte për qëllim trafikun e drogës nga Spanja në Finalandë përmes shërbimit postar. Një pjesë kanë qenë të ndjekur në Finlandë dhe jo të identifikuar në Shqipëri. Kjo ka qenë një nga rezultatet e hetimit të përbashkët, në Finlandë janë bërë goditje të rasteve konkrete," tha Shehu.

alfred shehu

Sondazh

Poll

MË SHUMË