Politike

Kërkuan ndryshim të masave të sigurisë, Apeli i GJKKO lë në qeli Jurgis Çyrbjan dhe Ahmet Mashën

Apeli ka lënë në fuqi vendimin e Shkallës së Parë, për zgjatjen e afateve hetimore me 3 muaj, që ishin kundërshtuar nga personat nën hetim.

27 Maj 2025, 14:13 Nga N.F
Kërkuan ndryshim të masave të sigurisë, Apeli i GJKKO
Jurgis Çyrbja

TIRANË-  Gjykata e Posaçme e Apelit ka rrëzuar ditën e sotme kërkesën e ish-deputetit socialist, Jurgis Çyrbja dhe Ahmet Mashës, për heqjen e së sigurisë “arrest me burg”. Apeli ka lënë në fuqi vendimin e Shkallës së Parë, për zgjatjen e afateve hetimore me 3 muaj, që ishin kundërshtuar nga personat nën hetim.

Jurgis Çyrbja u arrestua më 20 tetor të vitit të kaluar, për akuzën e korrupsionit aktiv në zgjedhje, përkrahje krimi dhe nxjerrje e sekretit shtetëror. Ai akuzohet nga SPAK se u ka shitur informacione grupit kriminal të Altin Hajrit dhe madje ka ndërhyrë për t’i favorizuar në disa episode.

Lidhja e tij sipas dosjes hetimore, u zbërthye pas dekriptimit të mesazheve në platformën e koduar SKY ECC. I përfshirë në këtë fashikull akuzohet edhe Ahmet Masha, ndërsa hetimet dhe verifikimet vijojnë.

jurgis çyrbja

Sondazh

Poll

MË SHUMË