Politike

"Dita ka qenë e frytshme", Frederiksen: Vendosëm që do të kemi një skuadër bashkërenduese të KPE nën kujdesin e zyrës së Presidentit të Këshillit Europian

Frederiksen u shpreh se gjatë samitit u diskutuan një sërë temash.

16 Maj 2025, 19:09 Nga N.F
"Dita ka qenë e frytshme", Frederiksen: Vendosëm që do
Mette Frederiksen

TIRANË- Kryeministrja e Danimarkës, Mette Frederiksen gjatë fjalës së saj në konferencën e përbashkët me kryeministrin Edi Rama u shpreh se dita e sotme ishte e frytshme. Frederiksen u shpreh se gjatë samitit u diskutuan një sërë temash. Ajo theksoi se vendosën që do të kenë një skuadër bashkërenduese të KPE nën kujdesin e zyrës së Presidentit të Këshillit Europian.

"Për t’i mbajtur fort bashkë vlerat e parimet që udhëheqin shoqëritë tona, për të bërë gjithçka kemi në mundur për të mbrojtur vlerat dhe parimet tona të mishëruara në shoqëritë tona, duke mbrojtur vendet tona, qytetarët tanë dhe të ardhmen tonë. Ndërkohë diskutuam edhe si do të ecim më tej.

Diskutuam për të investuar më shumë në iniciativa, në ato fushatat europiane që i përkasin këtij komuniteti politik dhe në ato vende që nuk i përkasin ende BE dhe që nuk do t’i përkasin ndonjëherë.  

Dita ka qenë e frytshme, patëm një sërë tryezash të rrumbullakta, një seri temash diskutimi. Patëm përfundime shumë interesante që do të çohen më tej nga danezët. Ndërkohë vendosëm që do të kemi një skuadër bashkërenduese të KPE nën kujdesin e zyrës së Presidentit të Këshillit Europian. Kjo është një sintezë e përgjithshme të asaj çfarë bëmë sot," tha ajo.

mette frederiksen

Sondazh

Poll

MË SHUMË