Politike

Berisha nga protesta: U garantoj se Edi Rama kurrë nuk do mund të qëndrojë në atë karrige me zgjedhje të vjedhura

Gjithashtu Berisha theksoi se ka paraqitur para mbi 87 partive politike, masakrën elektorale të Toto Rinos së Ballkanit apo El Çapos së Ballkanit, Edi Rama.

16 Maj 2025, 18:42 Nga Dosja.al
Berisha nga protesta: U garantoj se Edi Rama kurrë nuk do mund të
Sali Berisha

TIRANË- Kreu i Partisë Demokratike, Sali Berisha, gjatë fjalës së mbajtur në protestë ka deklaruar se Partia Demokratike dhe opozita ka aleatë të shumtë në betejën për votën e lirë. Berisha u shpreh se Edi Rama kurrë nuk do mund të qëndrojë në atë karrige me zgjedhje të vjedhura. Gjithashtu Berisha theksoi se ka paraqitur para mbi 87 partive politike, masakrën elektorale të Toto Rinos së Ballkanit apo El Çapos së Ballkanit, Edi Rama.

Të dashur demokrate dhe demokratë të pranishëm në këtë shesh dhe kudo që jeni sot, në Shqipëri dhe jashtë saj, përshëndetjet më të përzemërta nga Bashkimi Demokrat Ndërkombëtar. Mbi 87 parti politike, para të cilave paraqita sot masakrën elektorale të Toto Rinos së Ballkanit apo El Çapos së Ballkanit, Edi Rama.

Njoha miqtë me të gjithë shkeljet monstruoze dhe bindja e përgjithshme ishte se karrigia e Edi Ramës qëndron mbi krimin monstruoz të grabitjes dhe plaçkitjes së zgjedhjeve të qytetarëve shqiptarë. Të dashur miq, forumi botëror i partive të qendrës së djathtë, u njoh me përdorimin nga Edi Rama të bandave më të rrezikshme të Shqipërisë, rajonit dhe Europës. U njoh me listën e kandidatëve të krimit, me në krye Edi Ramën dhe vazhdon me Sara Milen, me ministrin e krimit, me Taulant Ballën, me dhjetëra kandidatë të tjerë të botës së krimit.

U njoh dhe u denoncua botërisht përdorimi i qindra milionë eurove për të blerë vullnetin e qytetarëve shqiptarë. Dhurata 70 milionë euro për votën, falja e 200 milionë eurove të gjobave, mbi gjysmë miliardë euro koncesione dhe prokurime. Pra, zgjedhjet në Shqipëri ishin farsa elektorale më e shëmtuar pas rënies së Perdës së Hekurt në Ballkan dhe Europë. Ndaj dhe u përshëndes ju dhe u garantoj se Edi Rama kurrë nuk do mund të qëndrojë në atë karrige me zgjedhje të vjedhura, me zgjedhje krimi, me zgjedhje të korrupsionit, por do marrë përgjigjen që meriton dhe që kanë diktator, çdo narkodiktator.

sali berisha

Sondazh

Poll

MË SHUMË