Në fokus të këtij takimi ishte shkëmbimi i mendimeve mbi sfidat aktuale gjeopolitike dhe nevoja për forcimin e qëndrueshmërisë kolektive ndaj kërcënimeve hibride.
VARSHAVA- Ministri për Evropën dhe Punët e Jashtme, Igli Hasani mori pjesë sot në Drekën Informale të Punës me Ministrat e Jashtëm të BE-së dhe Ministrat e Jashtëm të Vendeve Kandidate dhe Potencialisht Kandidate për anëtarësim në BE, e zhvilluar në kuadër të Takimit Informal të Ministrave të Jashtëm të BE-së.
Në fokus të këtij takimi ishte shkëmbimi i mendimeve mbi sfidat aktuale gjeopolitike dhe nevoja për forcimin e qëndrueshmërisë kolektive ndaj kërcënimeve hibride. Hasani rikonfirmoi përkushtimin e palëkundur të Shqipërisë për të ecur përpara në rrugën e integrimit evropian, si dhe ndau me të pranishmit disa prej hapave të deritanishme të ndërmarra nga vendi ynë kundër kërcënimeve hibride dhe në linjëzim të plotë me kuadrin e BE-së dhe NATO-s.
Ai përmendi miratimin e Strategjisë dhe Planit të Veprimit për Sigurinë Kibernetike, përafrimin me rregulloret e BE-së për qëndrueshmërinë e infrastrukturës kritike deri në vitin 2026, si dhe zbatimin e legjislacionit sekondar sipas Ligjit për Sigurinë Kibernetike deri në vitin 2025. Anëtarësimi i Shqipërisë në Qendrën Evropiane të Ekselencës për Kundërvënien ndaj Kërcënimeve Hibride në Helsinki, si anëtari i 36-të, u theksua si një hap i rëndësishëm për thellimin e bashkëpunimit dhe shkëmbimin e praktikave më të mira.
“Asnjë vend nuk është imun ndaj kërcënimeve hibride, prandaj duhet të qëndrojmë vigjilent dhe të punojmë ngushtësisht nga afër", nënvizoi Hasani, duke shtuar që vendi ynë është gati gjithashtu të kontribuojë për ndërtimin e një kuadri rajonal bashkëpunimi mes vendeve të Ballkanit Perëndimor nën ombrellën e BE-së, në mënyrë që të adresohen dezinformimi dhe kërcënimet hibride.
Ndër të tjera, Hasani theksoi se zgjerimi i BE-së duhet të jetë një prioritet kryesor, pasi garanton të ardhmen tonë të përbashkët kundër kërcënimeve të tilla duke kontribuar njëkohësisht në ruajtjen e unitetit të Evropës.
Gjatë takimeve të shpejta me homologë të ndryshëm nga BE-ja, Ministri Hasani shfrytëzoi mundësinë për të përcjellë edhe mirënjohjen ndaj qëndrimit të përbashkët të Këshillit të BE-së për Grup-Kapitullin e 3-të për "Konkurrueshmërinë dhe Rritjen Gjithëpërfshirëse", i cili do të çelet zyrtarisht në Konferencën e 5-të Ndërqeveritare në Bruksel më 22 Maj 2025.
Ai ka theksuar se angazhimi i Shqipërisë për integrimin në BE mbetet i palëkundur dhe i pandërprerë, dhe se puna jonë vazhdon me fokus dhe vendosmëri për të avancuar procesin e anëtarësimit.
Albana Vokshi TIRANË- Deputetja e Partisë Demokratike, Albana Vokshi, ka deklaruar se Vilma Nushi ka ushtruar presion dhe ka tentuar t’ja m...
Ergys Isufi SARANDA- Kandidati i "Nisma Shqipëria Bëhet", Ergys Isufi, ka reaguar sot përmes një videoje të postuar në ...
Albana Vokshi TIRANË- Deputetja e Partisë Demokratike, Albana Vokshi, ka komentuar publikimin e gazetarit amerikan Marc Caputo për komentet ...
Foto ilustruese KOSOVË- Presidentja e Republikës së Kosovës, Vjosa Osmani, ka pritur sot në një takim të ngark...
Dhurata Çupi TIRANË- Kandidatja e Partisë Demokratike për Tiranën Dhurata Çupi, ka theksuar se PD premton rritje të ...
Foto ilustruese SHKODËR- Një incident elektoral është regjistruar pranë zyrës së kandidates së Partisë Demokra...
Sali Berisha TIRANË- Kreu i Partisë Demokratike, Sali Berisha, duke folur në konferencë për shtyp tha se planet e kreyministrit&nb...
sali berisha TIRANË- Kryetari i Partisë Demokratike, Sali Berisha u pyet sot në konferencën për mediat, se kur do të udh&eum...
sali berisha TIRANË- Kryetari i PD-së, Sali Berisha është pyetur sot në konferencën për gazetarët nëse që...
Berisha TIRANË- Kreu i Partisë Demokratike, Sali Berisha gjatë fjalës së tij në një deklaratë për mediat u py&...