Politike

Arrestimi i kandidatit me kokainë në Sarandë/ Rama: Mënyra se si reagon përcakton staturën e një partie

Rama tha se partitë e reja kanë thjesht emrin e ri, por në mendësi janë totalisht të vjetra.

7 Maj 2025, 21:51 Nga M.B

 

Arrestimi i kandidatit me kokainë në Sarandë/ Rama: Mënyra
Edi Rama

FIER- Kryeministri i vendit, Edi Rama komentoi sot edhe rastin e arrestimit të kandidatit të partisë “Shqipëria Bëhet” në Sarandë, i cili u kap me kokainë. Në një intervistë në emisionin “Real Story” Rama tha se partitë e reja kanë thjesht emrin e ri, por në mendësi janë totalisht të vjetra. Sipas tij, mënyra se si reagon përcakton staturën e një partie.

“Ideja që një realitet konkret, në jetën reale të një vendi, mund të krijohen forca engjëllore, të cilat do të sjellin pastërtinë e madhe dhe do bëjnë çlirimin e madh, është një ide, që kudo që është eksperimentuar ka prodhuar një moment mbështetje fillimisht, por nga mbrapa ka sjell vetëm qesharakizimi të vetë subjektivet kësaj natyre dhe aty ku kanë pasur mundësinë të fusin duart dhe hundët në punët e qeverisë, kanë bërë dëme të mëdha.

Sa i përket kësaj historie, unë nuk hyj tek ata, që nëse dikush nga një parti e caktuar kapet nga një gabim apo faj, kjo e fajëson partinë, por unë hyj tek ata që thonë se mënyra se si reagon përcakton staturën e një partie. Edhe këneta në një krah nuk shkonte fare. E vendos populli dhe është i respektuar kushdo që vjen atje, përveç kënetës kuptohet, për të cilën nuk kam asnjë respekt”, tha Rama.

edi rama

Sondazh

Poll

MË SHUMË