Politike

Berisha: Dokumenti i dënimit të Irenës i merr fytyrën reformës në drejtësi, administrata e Biden u përpoq ta fshehë

Kryedemokrati tha se pas zgjedhjeve do të ndëshkohen secili prej tyre që ka kryer dhe ka fshehur krime në drejtësi. 

5 Maj 2025, 10:00 Nga r.ll
Berisha: Dokumenti i dënimit të Irenës i merr fytyrën
sali berisha

TIRANË- Kryetari i Partisë Demokratike, Sali Berisha publikoi sot për gazetarët një vendim të Gjykatës së Janinës në Greqi për dënimin me burg të gjyqatres Irena Gjoka. Berisha u shpreh gjatë fjalës së tij se dënon ndërhyrjen e bërë nga Departamenti i Shtetit të administratës Biden që ky dokument të mos shihte dritën se ja merr fytyrën reformës në drejtësi. Më tej, kryedemokrati tha se pas zgjedhjeve do të ndëshkohen secili prej tyre që ka kryer dhe ka fshehur krime në drejtësi. 

"Pra, kjo Irena me 5 mbiemra, me 5 fytyra po asnjë njerëzore, kjo vesh togën e zezë të kryegjykatës së Tiranës për të mbuluar dënimin e saj penal, për të mbuluar falsifikimet e saj. Kjo është Gjykata Speciale e Tiranës. Dua të jem i sinqertë. Dua të falënderoj autoritetet greke të cilat e bënë publik këtë dokument. Por dua të dënoj ndërhyrjen e bërë nga këto autoritete, nga administrata nga Departamenti i Shtetit të administratës Biden që ky dokument të mos shihte dritën se ja merr fytyrën reformës në drejtësi. Ata kishin hallin e Sali Berishës dhe jo të reformës në drejtësi. Turp e mafie. Ju garantoj se fatin e kësaj do të ketë pas zgjedhjeve, secili prej tyre që ka kryer dhe ka fshehur krime. Secilin prej tyre, reforma do ti nxjerrë të gjithë ata që fshehin krime ne sistemin e drejtësisë.", tha Berisha. 

 

sali berisha

Sondazh

Poll

MË SHUMË