Sport

Capello: “Nëse Interi ka ndaluar Messin, mund të ndalojë edhe Lamine Yamal”

Dy skuadrat do të përballen në gjysmëfinale të Champions League në fund të këtij muaji.

20 Prill 2025, 15:00 Nga DOSJA

Capello: “Nëse Interi ka ndaluar Messin, mund të ndalojë

ITALI - Fabio Capello nuk e fsheh besimin te Interi. Edhe pse e pranon se Barcelona ka një nga sulmet më të mira në botë, me Lamine Yamal, Raphinha dhe Robert Lewandowski, ish-trajneri italian beson se skuadra e Milanos i ka të gjitha kushtet për të mposhtur Blaugranët dhe për të siguruar një vend në finalen e Champions League.

“Interi, i cili fitoi tripletën (në vitin 2010, me José Mourinhon) ndaloi Messin dhe tani mund ta ndalojë Lamine Yamal”, shkroi Capello në ‘Gazzetta dello Sport’.

"Sigurisht që Inzaghi (trajneri i Nerazzurrëve) nuk do të lejojë Yamal ose Raphinha të kenë shumë hapësirë. Yjet e Barcelonës kanë shumë cilësi për t'u ndalur në hapësirë të hapur dhe Lewandowski është një vrasës brenda zonës. Por Interi di të mbyllë hapësirat dhe të ruajë ekuilibrin," shtoi trajneri.

Beteja e vërtetë, sipas Capellos, do të bëhet në mesfushë. "Klasi e Pedrit dhe De Jong kundrejt cilësisë dhe dinamizmit të Barella, Calhanoglu dhe Mkhitaryan. Dy mesfushorët e Barçës janë shumë të mirë në kalimin nga mbrojtja në sulm. Por nëse do të më duhej të zgjidhja, do të mbaja mesfushorët e Interit. Pak ekipe në Evropë kanë një 'departament' të mesfushës kaq të mirëorganizuar."

Interi viziton Barcelonën më 30 prill në ndeshjen e parë gjysmëfinale të Champions League, përpara se të presë Blaugranat më 6 maj.

B.T (Dosja.al)