Politike

"50 metra larg KZAZ-së!" Zhupa në Delvinë: Zyra elektorale e PS-së shkel legjislacionin elektoral, duhet mbyllur nga komisioneri

Sipas Zhupës, Partia Socialiste, kandidatët e saj të listës së hapur, kanë shkelur legjislacionin zgjedhor dhe udhëzimin e Komisionerit Shtetëror të Zgjedhjeve duke hapur një zyrë elektorale jo më pak se 50 metra larg KZAZ-së.

3 Prill 2025, 10:36 Nga M.B
"50 metra larg KZAZ-së!" Zhupa në Delvinë: Zyra
Ina Zhupa

 DELVINË- Demokratja Ina Zhupa ka bërë një deklaratë nga Delvina nga ku tha se zyra elektorale e PS atje po shkel legjislacionin elektoral dhe duhet mbyllur nga komisioneri. Zhupa shtoi se sipas legjislacionit zgjedhor çdo zyrë elektorale do të duhet të ketë një distancë të paktën 300 metra larg KZAZ-së dhe larg qendrave të votimit.

Ajo tha se në këtë ambient do të jetë KZAZ-ja siç është aktualisht, dhe do të jenë edhe 2 qendra votimi në ditën e zgjedhjeve. Sipas Zhupës, Partia Socialiste, kandidatët e saj të listës së hapur, kanë shkelur legjislacionin zgjedhor dhe udhëzimin e Komisionerit Shtetëror të Zgjedhjeve duke hapur një zyrë elektorale jo më pak se 50 metra larg KZAZ-së.

Deklarata e Ina Zhupës nga Delvina:

Ndodhem në qytetin e Delvinës, këtu janë ambientet e KZAZ-së për Bashkinë e Delvinës. Sipas legjislacionit zgjedhor çdo zyrë elektorale do të duhet të ketë një distancë të paktën 300 metra larg KZAZ-së dhe larg qendrave të votimit.

Në këtë ambient do të jetë KZAZ-ja siç është aktualisht, dhe do të jenë edhe 2 qendra votimi në ditën e zgjedhjeve. Partia Socialiste, kandidatët e saj të listës së hapur, kanë shkelur legjislacionin zgjedhor dhe udhëzimin e Komisionerit Shtetëror të Zgjedhjeve duke hapur një zyrë elektorale jo më pak se 50 metra larg KZAZ-së.

Pra sapo zbret shkallët e KZAZ-së ti ke propagandën e Partisë Socialiste që pret votuesit ditën e zgjedhjeve apo administratën zgjedhore gjatë punës së tyre në KZAZ. Kjo është e ndaluar nga ligji dhe i kërkojmë Komisionerit Shtetëror që menjëherë të marrë masat për mbylljen e kësaj zyre elektorale në qytetin e Delvinës.

ina zhupa

Sondazh

Poll

MË SHUMË