Politike

‘Zgjedhjet qendrore 2017’/ Kryemadhi: Rama na u lut për 6 muaj, nuk pranuam të bënim koalicion me të

12 Mars 2019, 16:41 Nga DOSJA
‘Zgjedhjet qendrore 2017’/ Kryemadhi: Rama na u lut për 6 muaj,

CËRRIK- Kryetarja e LSI-së, Monika Kryemadhi ka zhvilluar një takim me strukturat e partisë që ajo drejton në qytetin e Cërrikut.

Para mbështetësve të LSI-së, Kryemadhi tregoi se para zgjedhjeve qendrore të vitit 2017 se kryesministri Edi Rama i kishte kërkuar për 6 muaj rrjesht që të bënin koalicion politik.

“Ne nuk pranuan sepse nuk mund të pranonim të mbulonim erën e keqe që kishte marrë qeveria. Po u bëre me qelbësirën, erë qelbësirë do të vish.”

Kryemadhi foli edhe mbi atë çfarë do të ndodhte pas vendimit për djegien e mandateve të deputetit.

“Një nga diskutimet më të mëdha është: po tani çfarë do të ndodhi? Përgjigjia është shumë e thjeshtë. Ne nuk duam as pushtet dhe as të themi që të bëjnë siç duam ne. kërkojmë vetëm daljen para përgjegjësisë të atyre që blenë vota me krimin e organizuar. Reforma zgjedhore është zgjidhja e dosjeve 339 dhe 184,”– e mbylli Kryemadhi.

Dosja 339 përfshin përgjimet e dala më herët në media, për grupin kriminal të Shijakut dhe disa bisedave të regjistruara nga prokuroria mes kryetarit të Bashkisë Durrës, Vangjush Dako, dhe Altin Avdyli, pjesë e bandës së Shijakut. PD akuzon prej kohësh mazhorancën se përveç Dakos të tjerë eksponentë të PS kanë patur kontakt dhe kanë bashkëpunuar me Avdylajt. “Dosja 184” ose dosja e “Dibrës”, ka mbetur ende pa u hetuar. Dosja lidhet me zgjedhjet e kryera më 11 shtator 2016 në Dibër për të zgjedhur pasardhësin e Shukri Xhelilit, i shkarkuar pasi u kap mat në një video-regjistrim ndërsa kërkonte favore seksuale në këmbim të një vendi pune.

Pjesë nga fjala e Monika Kryemadhit: 

Jemi të tërë ish-deputetët që përfaqësojmë të dëshirave dhe vendimit të qytetarëve. E themi këtë gjë sepse për herë të parë, deputetët e një Kuvendi morrën një vendim që erdhi nga qytetarët. Protesta e 16 shkurtit na dha frocë dhe kurajo. Parlamenti ka ardhur si rezultati i votës së krimit. Ju e ndjeni përditë në çdo hallkë të shtetit. Ne ndjejmë edhe erën e kalbjes së shtetit. Duhet ndërtuar një sistem i ri. Pasuritë natyrore nuk i gëzojnë qytetarët shqiptarë po. Ishim ne në pushtet me Edi Ramën, 6 muaj na u lut për të bërë koalicion me ne. por ne nuk pranuan sepse nuk mund të pranonim të mbulonim erën e keqe që kishte marrë qeveria. Po u bëre me qelbësirën, erë qelbësirë do të vish. Shikojmë kudo, mitingjet madhëshotre. Sa më të bukura ti bëjë, me sa më shumë njerës aq më shumë para harxhohen. Buxhetin e shtetit e vë në favor të imazhit të tij. Një nga diskutimet më të mëdha është: po tani çfarë do të ndodhi? Përgjigjia është shumë e thjeshtë. Ne nuk duam as pushtet dhe as të themi që të bëjnë siç duam ne. kërkojmë vetëm daljen para përgjegjësisë të atyre që blenë vota me krimin e organizuar. Reforma zgjedhore është zgjidhja e dosjeve 339 dhe 184. Na mbajnë peng për integrimin në Europë. Ne jemi shumë të qartë në kërkesën tonë ndaj atyre që kanë vjedhur dhe kanë kërcënuar njerëzit për votën. Ne duam daljen e tyre para drejtësisë.

(k.m./dosja.al)

Tirana është boshatisur për ditët e pushimit. Cilën nga ritet e shenjta po ndiqni:

View Results

politike politike djegia e mandateve te opozites dosja 184 dosja 339 lsi monika kryemadhi zgjedhjet qendrore 2017 djegia e mandateve te opozites dosja 184 dosja 339 lsi monika kryemadhi zgjedhjet qendrore 2017

Sondazh

Poll

MË SHUMË