Aktualitet

Mbahet në GJKKO seanca për inceneratorin e Tiranës, Taulant Tushe: Më kanë burgosur pa gjyq, kërkoj të shpallem i pafajshëm

Ai pretendon se për këtë koncesion nuk ka pasur asnjë ankesë në Agjencinë e Prokurimeve Publike.

28 Mars 2025, 13:51 Nga r.ll
Mbahet në GJKKO seanca për inceneratorin e Tiranës, Taulant
gjkko

TIRANË- Në Gjykatën e Posaçme po zhvillohet ditën e sotme seanca për inceneratorin e Tiranës. Në seancën e sotme, avokatja e ish-drejtorit të bashkisë së Tiranës, Taulant Tushes, ka lexuar një letër të shkruar nga ai. 

Tushe thotë se është burgosur pa gjyq. Ai pretendon se për këtë koncesion nuk ka pasur asnjë ankesë në Agjencinë e Prokurimeve Publike. Gjithashtu kërkon të shpallet i pafajshëm. 

“Mua më kanë burgosur pa gjyq. Në lidhje me procesin e mbetjeve, unë por edhe Bashkia Tiranë jemi përpjekur të bënim më të mirën. Për këtë koncesion nuk pati asnjë ankesë në Agjencinë e Prokurimeve Publike. Ne si Bashki për aq sa na takoi bëmë detyrën tonë. Me këte standart që keni vendosur ju edhe punonjës të tjerë të administratës, mund të ndihen të rrezikuar dhe frikësuar. Kërkoj të shpallem i pafajshëm.”, thuhet në letrën e lexuar në gjyq.

Për Taulant Tushen, ish drejtor në Bashkinë Tiranë, SPAK ka kërkuar dënimin me 4 vite burg që në aplikim të gjykimit të shkurtuar zbret në 2 vite e 8 muaj burg në rast se gjendet fajtor.

 

taulant tushe gjkko inceneratori i tiranes

Sondazh

Poll

MË SHUMË