Politike

Mbyllet seanca plenare! Parlamenti voton pa opozitën zgjatjen e vlefshmërisë së kartave të identitetit dhe pasaportave që kanë skaduar për emrigrantët

Kjo është e vlefshme vetëm për qytetarët shqiptarë qe do të votojnë nga jashtë Shqipërisë.

27 Shkurt 2025, 16:02 Nga M.B
Mbyllet seanca plenare! Parlamenti voton pa opozitën zgjatjen e
Kuvendi

TIRANA- Kuvendi miratoi sot pa prezencën e opozitës me 76 vota pro, zgjatja e vlefshmërisë së kartave te identitetit apo pasaportave që kane skaduar. Kjo është e vlefshme vetëm për qytetarët shqiptarë qe do të votojnë nga jashtë Shqipërisë. Me miratimin e këtij Akti Normativ, emigrantët me dokumente të skaduara mund të votojnë për zgjedhjet e 11 majit. Vlefshmëria e dokumenteve të skaduara të emigrantëve është deri më 31 maj 2025.

Votimet në Kuvend:

Me 76 vota pro, u miratua Akti normativ nr.1 “Për një shtesë në ligjin nr.8668, datë 23.10.2000, “Për pajisjen e shtetasve shqiptarë me pasaportë për jashtë shtetit”, të ndryshuar”

Me 75 vota pro dhe 1 abstenim Akti normativ nr.2 “Për një shtesë në ligjin nr.8952, datë 10.10.2002, “Për letërnjoftimin elektronik të shtetasve shqiptarë”, të ndryshuar”.

Me 75 pro dhe 1 abstenim u miratua Projektvendimi “Për miratimin e strukturës, organikës dhe klasifiimin e pagave të personelit me kohë jo të plotë pune në mbështetje të procesit të votimit nga jashtë territorit të Republikës së Shqipërisë për Zgjedhjet për Kuvend 2025”.

kuvendi

Sondazh

Poll

MË SHUMË