Politike

Ish-prokurori Arjan Ndoja bëhet pjesë e primareve në Durrës, Xhemal Gjunkshi futet në garën e PD-së në Dibër

Ish-prokurori Ndoja është shkarkuar nga detyra nga vettingu. Ai i ka shpëtuar një atentati në 2019, ndërsa në makinë udhëtonte me Landi Muharremin apo njohur si Rrumi i Shijakut dhe me shoferin Andi Maloku i cili mbeti i vdekur.

26 Shkurt 2025, 11:31 Nga N.F
Ish-prokurori Arjan Ndoja bëhet pjesë e primareve në Durrës,
Ndoja dhe Gjunkshi

TIRANË- Kryesia e Partisë Demokratike ka miratuar emra të rinj për të hyrë në garën e primareve që do të zhvillohen më 1 mars. Mësohet se ish-prokurori Arjan Ndoja do të kandidojë në primaret e Durrësit.

Ish-prokurori Ndoja është shkarkuar nga detyra nga vettingu. Ai i ka shpëtuar një atentati në 2019, ndërsa në makinë udhëtonte me Landi Muharremin apo njohur si Rrumi i Shijakut dhe me shoferin Andi Maloku i cili mbeti i vdekur.

Në primaret e Dibrës do të kandidojë gjenerali Xhemal Gjunkshi. Gjunkshi ka plotësuar formularin për të marrë pjesë në primare dhe dje ai është pranuar ku i është bashkuar grupit të punës së PD-së në Dibër. Primaret mbahen më 1 mars dhe listës së parë të miratuar nga kryesia me rreth 290 emra i janë shtuar dhe rreth 20 te tjerë.

ish-prokurori arjan ndoja xhemal gjunkshi

Sondazh

Poll