Politike

"Janë sekuestruar 59 mln euro përfshi dhe kriptovaluta", kryeprokurori i SPAK: Krimi nuk mund të blejë dhe as të shpërblejë, lufta ndaj korrupsionit ndodhet në fazë të re

Ai shtoi se ka rritje të ndjeshme edhe të procedimit të veprës penale të pastrimit të parave, ndërsa shtoi se lufta ndaj korrupsionit ndodhet në fazë të re. 

26 Shkurt 2025, 11:06 Nga r.ll
"Janë sekuestruar 59 mln euro përfshi dhe kriptovaluta",
altin dumani

TIRANË- Kryeprokurori i SPAK, Altin Dumani gjatë fjalës së tij në tryezën e organizuar nga Qendra për Studim dhe Demokraci, tha se Prokuroria e Posaçme në godijen e krimit dhe korrupsionit nga zyrtarët ka sekuestruar 59 milionë euro përfshirë dhe kriptovaluta. 

Dumani tha se mesazhi është i qartë, i cili është se krimi as nuk mund të bleje dhe as të shpërblejë. Ai shtoi se ka rritje të ndjeshme edhe të procedimit të veprës penale të pastrimit të parave, ndërsa shtoi se lufta ndaj korrupsionit ndodhet në fazë të re. 

"Goditja e krimit dhe korrupsioneve të zyrtarëve, 59 mln euro të sekuestruara, sekuestrimi i aseteve financiare e të paluajtshme, përfshi edhe kriptovalutat, që i përdorin për blerje të ndryshme, si të kokainës edhe në pastrimin e parave. Mesazhi është i qartë se krimi nuk mund të blejë dhe as shpërblejë. Kemi rritje të ndjeshme edhe të procedimit të veprës penale të pastrimit të parave. Lufta ndaj korrupsionit ndodhet në fazë të re. Besimi te reforma në drejtësi po rritet, qytetarët janë të ndërgjegjshëm se të gjithë vijnë pas ligjit, sfidat vazhdojnë. Lufta kundër krimit dhe korrupsionit kërkon bashkëpunim ndërinstitucional. Duhet të keni besim te integriteti i prokurorëve të SPAK, proceseve. Ndikimi i jashtëm nuk do ndikojë në misionin dhe hetimet tona ndaj këtyre proceseve.", tha Dumani. 

altin dumani spa

Sondazh

Poll

MË SHUMË