Politike

"Zonjën e Drejtësisë e ngriti PS në këmbë, shpatën e ngriti pushteti ekzekutiv," Rama: Të dënuarit në Rusi përfundojnë përpara xhamave, kjo lloj drejtësie kurrë këtu!

Rama mori shembull Rusinë dhe llojin e drejtësisë që nxjerr dënuarit përpara xhamave.

26 Shkurt 2025, 10:15 Nga N.F
"Zonjën e Drejtësisë e ngriti PS në këmbë,
Rama

TIRANË- Kryeministri Edi Rama gjatë fjalës së tij në Kryesinë e Kuvendit tha se kishte sjellë diçka me vete. Teksa fliste Rama nxori një foto të Zonjës së Drejtësisë ndërsa bëri një kthim pas në kohë sesi u krijua ajo. Rama tha se barra e provës i akuzuesit dhe jo të akuzuarit. Ai shtoi se drejtësia është kuptuar me sytë e mbyllur, qoftë nga anët ku janë prokurorët dhe të akuzuarit.

Sipas tij zonjën e Drejtësisë e ngriti PS në këmbë dhe shpatën e ngriti pushteti ekzekutiv, që ia dorëzoi që pas 1912. Rama mori shembull Rusinë dhe llojin e drejtësisë që nxjerr dënuarit përpara xhamave. Kryeministri theksoi se kjo lloj drejtësie nuk duhet të vijë kurrë këtu.

"Kam sjellë këtu me vete diçka. Këtu është Zonja e Drejtësisë kështu e kanë cilësuar shumë vite më parë ata që kanë vënë themelet e civilizimit tonë. Barra e provës i takon akuzuesit dhe jo të akuzuarit. Shekuj pas shekujsh derisa erdhi dita, drejtësia është kuptuar kështu, me sytë e mbyllur, qoftë nga anët ku janë prokurorët dhe të akuzuarit. Ky imazh do të ishte skulpturë para reformës në drejtësi, e shtrirë kjo zonja me bufin e kënetës me bretkosa dhe vemje. Këtë e zonjë e ngriti PS në këmbë dhe këtë shpatën e ngriti pushteti ekzekutiv, që ia dorëzoi që pas 1912.


Kjo zonja i ka sytë me gjak dhe për këtë kemi arritur të shohim arsyetim gjykatësish që thonë me shkrim: populli kërkon një dënim të madh për x apo y, sepse populli ka mosbesim. Ky është fundi, kjo është gjuha e Vladimiroviç Putinit. Nuk është gjuha e Europës. I keni parë ju si përfundojnë të dënuarit përpara xhamave në Rusi? Epo ajo lloj drejtësie kurrë këtu. E kemi parë ne atë film. Çfarë ka ndodhur dhe ndodh sot? Si shpjegohet që nga një anë kërkojnë t’i presin kokën dhe nga ana tjetër çdo ditë i çojnë nga denoncimet publike dhe zonja i ka sytë me gjak," tha Rama.

edi rama

Sondazh

Poll