Sport

VIDEO / Gjithçka sipas parashikimit, Reali gjunjëzon sërish Cityn!

Ylli’ francez e ndëshkoi ekipin e Guardiolës dy herë që në pjesën e parë, duke e lënë të pashpresë për një përmbysje të mundshme të rezultatit të ndeshjes së parë. Në pjesën e dytë sigloi të tretin, duke marrë topin në shtëpi.

19 Shkurt 2025, 23:02 Nga DOSJA
VIDEO / Gjithçka sipas parashikimit, Reali gjunjëzon sërish

SPANJE - Plotësohet kuadri i fazës së 1/8-ave të Champions League: pas Borussias së Dortmundit, kalojnë në raundin tjetër edhe Reali i Madridit dhe PSG. Kampionët në fuqi të Championsit fituan 3-1 me City-n në ‘Bernabeu’, falë tregolëshit të Kylian Mbappesë. ‘Ylli’ francez e ndëshkoi ekipin e Guardiolës dy herë që në pjesën e parë, duke e lënë të pashpresë për një përmbysje të mundshme të rezultatit të ndeshjes së parë (Reali fitoi në “Etihad” 3-2). Në pjesën e dytë sigloi të tretin, duke marrë topin në shtëpi.

Asnjë shqetësim për PSG-në, që fitoi me goleadë 7-0 në “Parc des Princes” përballë Brestit, duke u kualifikuar me rezultat të përgjithshëm 10-0. Reali i Maridit i tregon menjëherë ‘dhëmbët’ City-t në ‘Bernabeu’. Pa u mbyllur minuta e katër, Kylian Mbappe realizon një gol shumë të bukur me një parabolë, duke e lënë pa asnjë shpresë portierin e Citizens.

Tjetër gol në ‘Bernabeu’ me të njëjtin autor, Mbappe, që vulos përfundimisht kapitullimin e City-t. Nuk ndalet Mbappe, realizon të tretin personal në minutën e 61-të. Në shtesë, realizon golin e nderit Stones.

B.T (Dosja.al)

Sondazh

Poll

MË SHUMË