Sport

Erik ten Hag ‘i boshatis’ kasafortën Man. United, si dëmshpërblim…

Holandezi u largua nga klubi në tetor të vitit të kaluar, pasi u zëvendësua nga Ruben Amorim

19 Shkurt 2025, 15:51 Nga DOSJA
Erik ten Hag ‘i boshatis’ kasafortën Man. United, si

ANGLI - Edhe pse tashmë dihej se dëmshpërblimi që Manchester United i pagoi Erik ten Hag kishte qenë i rëndë.

Këtë të mërkurë klubi publikoi të dhënat e llogarive për tre muajt e fundit të 2024 dhe shuma u zyrtarizua: holandezi futi në xhep së bashku me ekipin e tij teknik plot 14.5 milionë paund (rreth 17.8 milionë euro), pasi u shkarkua nga klubi anglez.

Ten Haag u largua dhe Ruben Amorimi mbërriti. 10 vitet e fundit të Man.United, veçanërisht pas 'mbretërimit' të Sir Alex Ferguson, kanë qenë të tilla, të shënuara nga ardhjet dhe largimet e njëpasnjëshme të trajnerëve, pa arritur askush të vendoset realisht në Old Trafford.

Dhe në çdo largim ka dëmshpërblime për t'u paguar, një vlerë që në dekadën e fundit tashmë i ka kaluar 87 milionë eurot.

Shtypi anglez bëri llogaritë dhe shifrat janë në fakt kolosale: David Moyes mori 6 milionë euro dhe Van Gaal 10.1 milionë. José Mourinho u largua në dhjetor 2018 me 23.6 milionë, i ndjekur nga ekipet e trajnerëve të Ole Gunnar Solskjaer dhe Ralf Rangnick, me një total prej 29.8 milionë. 

Basti tani bie mbi Ruben Amorim, me kontratë deri në qershor 2027.

B.T (Dosja.al)

Sondazh

Poll

MË SHUMË