Politike

Vila në Qerret e përmendur në akuzën ndaj Veliajt, Rama: Kërkojnë llogari për vjehrrin e vdekur që shtëpinë e posedonte kur dhëndri s’ka pasur pushtet

Ai tha se në dosjen ndaj tij përmendej dhe një vilë në Qerret, që sipas kryeministrit është shtëpia e vjehrrit të Veliajt.

11 Shkurt 2025, 10:41 Nga r.ll
Vila në Qerret e përmendur në akuzën ndaj Veliajt, Rama:
edi rama

TIRANË- Kryeministri Edi Rama ka komentuar paraditen e sotme arrestimin e kryebashkiakut Erion Veliaj. Ai tha se në dosjen ndaj tij përmendej dhe një vilë në Qerret, që sipas kryeministrit është shtëpia e vjehrrit të Veliajt.

Rama tha se mbase ka gjëra të vërteta në atë dosje, por nuk mund të shkohet sipas deri aty sa t'i kërkohet llogari për vjehrrin e vdekur, që banesën e posedonte kur dhëndri nuk kishte asnjë post të rëndësishëm politik. 

"Në akuzën që i bëhet kryetarit të bashkisë, në atë romanin e madh, flitet për shtëpinë e të vjehrrit, vite e vite më parë marrë atje në Qerret dhe akuzohet se meqë janë gjetur aty rrobat e djalit tënd. Fëmija që shkon te gjyshi në plazh, akuzohet se nuk e ke deklaruar. Nuk e di, do ta shikojmë me prova. Por kur shkohet deri aty sa kërkohet llogari për vjehrrin e vdekur kur është posedues për një shtëpi në kohën kur dhëndri nuk ka pasur pushtet, është mbresëlënëse.” tha Rama.

edi rama erion veliaj

Sondazh

Poll

MË SHUMË