Aktualitet

Vëllezërit vranë 33-vjeçarin/ Motra e Armela Hasajt: Ai e përndiqte, mund t'i kishte kërkuar dorën, por nuk e bëri kurrë

Ndërkohë që më tej ka shtuar se arsyeja që vëllezërit e saj kryen këtë akt është shpërndarja e pamjeve intime si dhe përndjekjes nga ana e 33-vjeçait Mataj. 

31 Janar 2025, 13:45 Nga M.L
Vëllezërit vranë 33-vjeçarin/ Motra e Armela Hasajt: Ai e
Ramazan Mataj

TIRANË- Motra e Armela Hasajt ka treguar versionin e saj të ngjarjes së rëndë, ku vëllezërit e saj vranë 33-vjeçarin Ramazan Mataj. Në një intervistë për emisionin “Me zemër të hapur” në News24, motra e vëllezërve Hasaj theksoi se 33-vjeçari ka tentuar disa herë që të hyjë në shtëpinë e motrës së saj. Ndërkohë që më tej ka shtuar se arsyeja që vëllezërit e saj kryen këtë akt është shpërndarja e pamjeve intime si dhe përndjekjes nga ana e 33-vjeçait Mataj. 

“Kam qenë në shtëpi, kur ai ka tentuar të hyjë brenda tek shtëpia e saj. Kam qenë në atë banesë, isha në katin e dytë dhe ai poshtë. Nuk e mendova se e kanë bërë vëllezërit, por na shkoi në mendje konflikti i parë me vëllezërit që u dilte para dhe vëllai na e shprehte si shqetësim”, tha ajo.

Ngjarja që tronditi Shkodrën ndodhi mëngjesin e 5 janarit, ku trupi i viktimës u gjet në makinë nga banorë të lagjes. Nga dëshmia e autorëve, 33-vjeçarit i ishtë ngritur kurth me anë të një profili të rremë të një vajze. Mataj u nxorr në prit, ku u qëllua me 9 plumba brenda makinës së tij. Ndërkohë kamerat e sigurisë kanë kapur momentin ku autorët ikën nga vendi i ngjarjes me biçikletë, ndërsa armën e kishin groposur afër banesës së tyre. Konflikti i tyre kishte nisur prej vitesh. Dyshohet se motra e autorëve ka qenë në lidhje jashtëmartesore me viktimën. Sipas dëshmisë së autorëve, Ramazan Mataj kishte ndikuar në prishjen e dy martesave të motrës, duke publikuar video intime.

armela hasaj ramazan mataj

Sondazh

Poll

MË SHUMË